- ఖైబర్ పంఖ్తుఖ్వా ప్రావిన్స్ లో ఘటన
పెషావర్: పాకిస్తాన్ లో భద్రతా బలగాలు భారీ ఆపరేషన్స్ చేపట్టి17 మంది టెర్రరిస్టులను మట్టుబెట్టారు. శుక్రవారం ఖైబర్ పంఖ్తుఖ్వా ప్రావిన్స్ లో ఈ ఘటన జరిగింది.టెర్రరిస్టుల స్థావరాలను లక్ష్యంగా చేసుకుని భద్రతా దళాలు హెలికాప్టర్ గన్ షిప్ లతో దాడులు చేశాయి. నార్త్ వజీరిస్తాన్, బన్నూ జిల్లాల్లో 2 వేర్వేరు చోట్ల ఆపరేషన్స్ చేపట్టాయి. బన్నూ జిల్లాలోని బకా ఖేల్ ఏరియాలో హెలికాప్టర్లతో దాడులు చేయగా 12 మంది టెర్రరిస్టులు మరణించారు.
నార్త్ వజీరిస్తాన్ లోని మీర్ అలీలో హస్సోఖేల్ ప్రాంతంలో సెక్యూరటీ ఫోర్సెస్ రెండో ఆపరేషన్ ను చేపట్టగా ఐదుగురు మిలిటెంట్లు మృతి చెందారు. వీరి నుంచి భారీ ఎత్తున ఆయుధాలు, మందుగుండు సామగ్రిని అధికారులు స్వాధీనం చేసుకున్నారు. ఖైబర్ పఖ్తుంఖ్వా ప్రావిన్స్ లో ఇటీవల భద్రతా దళాలపై టెర్రరిస్టులు దాడులు జరిపారు. అందుకు ప్రతిస్పందనగా తీవ్రవాదులను మట్టుబెట్టడానికి సెక్యూరిటీ ఫోర్సెస్ భారీ ఆపరేషన్ చేపట్టాయి.
