సిద్ధి(మధ్యప్రదేశ్): దొంగతనంగా ఇంట్లోకి దూరి తనను రేప్ చేయబోయిన వ్యక్తి అంగాన్ని ఓ మహిళ కొడవలితో కోసేసింది. మధ్యప్రదేశ్లోని సిద్ధి జిల్లా ఉమారిహా గ్రామంలో ఈ సంఘటన చోటుచేసుకుంది. పోలీసులు వెల్లడించిన వివరాల ప్రకారం.. గురువారం గ్రామానికి చెందిన మహిళ భర్త పని మీద వేరే ఊరికి వెళ్లాడు. ఇంట్లో తన13 ఏళ్ల కొడుకుతోపాటు ఆమె మాత్రమే ఉంది. రాత్రి11 గంటలకు ఇంట్లోకి ఓ వ్యక్తి చొరబడ్డాడు. దొంగోడనుకుని భయపడిన పిల్లాడు బయటకు పారిపోయాడు. ఆ తర్వాత నిందితుడు మహిళపై రేప్ చేసేందుకు ప్రయత్నించాడు. దీంతో మంచం కింద ఉన్న కొడవలిని తీసుకుని ఆమె అతడి సీక్రెట్ పార్ట్ ని కోసేసింది. తర్వాత రాత్రి 1.30 గంటల టైంలో పోలీసు స్టేషన్ కు వెళ్లి కంప్లయింట్ చేసింది. నాలుగు సెక్షన్ల కింద ఎఫ్ఐఆర్ నమోదు చేసి, నిందితుడిని అరెస్ట్ చేసిన పోలీసులు అతడిని హాస్పిటల్ కు తరలించారు. తనపై ఉద్దేశపూర్వకంగానే దాడి చేసి, గాయపర్చిందంటూ నిందితుడు కూడా కంప్లయింట్ చేయడంతో పోలీసులు బాధితురాలి పైనా కేసు నమోదు చేశారు.
