భద్రాద్రికొత్తగూడెం, వెలుగు : కొత్తగూడెం నియోజకవర్గంలో గ్రీన్ ఫీల్డ్ ఎయిర్ పోర్టు ఏర్పాటుపై ఎయిర్పోర్ట్ అథారిటీ ఆఫ్ ఇండియా(ఏఏఐ) స్పెషల్టీమ్ గురువారం పర్యటించింది. కొత్తగూడెం, చుంచుపల్లి, సుజాతనగర్ మండలాల్లో ఎయిర్ పోర్టు ఏర్పాటు కోసం ఇప్పటికే గుర్తించిన భూముల్లో ఆరుగురితో కూడిన స్పెషల్ టీమ్ ల్యాండ్ఎయిర్పోర్టుకు అనుకూలంగా ఉందా.. తదితర అంశాలపై ప్రైమరీ సర్వే చేపట్టింది. ఈ టీంలో ఏరో ప్లానింగ్ అధికారి అబ్దుల్ అజీజ్, ఆర్కిటెక్చర్ అధికారి మహ్మద్ సాకిబ్, ఆపరేషన్ అధికారి ప్రశాంత్ గుప్తా, సీఎన్ఎస్ అధికారి ఆర్ దివాకర్, ఇంజినీరింగ్ అధికారి సి, మనీష్జోన్వాల్, ఎఫ్పీడీ ఆఫీసర్ప్రవీణ్ ఉన్నికృష్ణన్ఉన్నారు. ల్యాండ్కు సంబంధించి న వివరాలను మ్యాప్ల ద్వారా కలెక్టర్, అడిషనల్కలెక్టర్ఏఏఐ టీమ్కు వివరించారు.
సర్వే బృందంతో ఖమ్మం ఎంపీ రామసహాయం రఘురాంరెడ్డి, కొత్తగూడెం ఎమ్మెల్యే కూనంనేని సాంబశివరావు, కలెక్టర్ జితేశ్వి పాటిల్ భేటీ అయ్యారు. జిల్లాలోని పరిశ్రమలు, పర్యాటకం, ఇతరత్రా వివరాలను పవర్ పాయింట్ ప్రజెంటేషన్ ద్వారా కలెక్టర్ ఏఏఐ టీంకు కలెక్టరేట్లో వివరించారు. విమానశ్రయ ఏర్పాటుపై నివేధికలను ఉన్నతాధికారులకు అందజేస్తామని ఏఏఐ టీం పేర్కొంది. అనంతరం ఎంపీ రఘురాంరెడ్డి మీడియాతో మాట్లాడుతూ కేంద్ర పౌర విమానయాన మంత్రిత్వ శాఖ ఎయిర్పోర్టు ఏర్పాటుకు సుముఖంగా ఉందన్నారు.
సుజాతనగర్, చుంచుపల్లి, కొత్తగూడెం ప్రాంతాల్లోని ఎంపిక చేసిన దాదాపు 950 ఎకరాల ల్యాండ్ ఎయిర్పోర్టుకు అనుకూలంగా ఉందని చెప్పారు. ఎమ్మెల్యే కూనంనేని మాట్లాడుతూ రాష్ట్రంలో హైదరాబాద్ తర్వాత భద్రాద్రికొత్తగూడెం జిల్లాలోనే అధికంగా పరిశ్రమలున్నాయని, ఇక్కడ ఎయిర్పోర్టు ఎంతగానో దోహదపడుతుందన్నారు. కలెక్టర్ జితేశ్వి పాటిల్మాట్లాడుతూ ఎయిర్ పోర్టు ఏర్పాటుకు అవసరమైన ల్యాండ్ విషయంలో అన్ని జాగ్రత్తలు తీసుకున్నామని చెప్పారు. ఈ ప్రోగ్రాంలో అడిషనల్కలెక్టర్డి.వేణుగోపాల్, కొత్తగూడెం ఆర్డీవో మధుతో పాటు పలు శాఖల అధికారులు పాల్గొన్నారు.
