- ఉమ్మడి జిల్లాలో 37,913 మంది అభ్యర్థులు, 119 సెంటర్లు
- గంటన్నర ముందే చేరుకోవాలి.. అరగంట ముందు గేట్లు క్లోజ్
- జువెలరీ, షూస్ధరించొద్దు.. ఎలక్ట్రానిక్స్కు అనుమతి లేదు
- పకడ్బందీ ఏర్పాట్లు చేసిన ఉమ్మడి జిల్లా యంత్రాంగం
మంచిర్యాల, వెలుగు: టీజీపీఎస్సీ ఆధ్వర్యంలో ఈ నెల 17, 18 తేదీల్లో జరుగనున్న గ్రూపు–3 ఎగ్జామ్స్ కోసం ఉమ్మడి ఆదిలాబాద్ జిల్లా అధికారులు అన్ని ఏర్పాట్లు పూర్తి చేశారు. నిమిషం నిబంధనను స్ట్రిక్ట్గా అమలు చేస్తూ.. ఆలస్యంగా వచ్చిన అభ్యర్థులను పరీక్షకు అనుమతించబోమని ప్రకటించారు.
ఉదయం 10 నుంచి మధ్యాహ్నం 12.30 గంటల వరకు పేపర్-1, మధ్యాహ్నం 3 నుంచి సాయంత్రం 5.30 గంటల వరకు పేపర్-2, 18న ఉదయం 10 నుంచి మధ్యాహ్నం 12.30 గంటల వరకు పేపర్-3 పరీక్షలు జరుగతాయి. అభ్యర్థులను గంట ముందుగానే సెంటర్లోకి అనుమతిస్తారు. అరగంట ముందే గేట్లు క్లోజ్ చేస్తారు.హాల్లోకి వెళ్లడానికి ముందు హాల్ టికెట్, ఐటెంటిటీ వెరిఫికేషన్తో పాటు బయోమెట్రిక్ తీసుకుంటారు కాబట్టి ఎగ్జామ్ టైమ్ కంటే కనీసం గంటన్నర ముందుగా సెంటర్లకు చేరుకోవాలని అధికారులు సూచించారు.
37,913 మంది అభ్యర్థులు, 119 సెంటర్లు..
గ్రూప్3 ఎగ్జామ్స్కు ఉమ్మడి ఆదిలాబాద్ జిల్లాలో 37,913 మంది అభ్యర్థులు హాజరుకానున్నారు. వీరికోసం 119 సెంటర్లను ఏర్పాటు చేశారు. మంచిర్యాల జిల్లాలో 15,063 మందికి 48 సెంటర్లు, ఆదిలాబాద్ లో 10,255 మంది అభ్యర్థులకు 29 సెంటర్లు, నిర్మల్లో 8,124 మందికి 24 సెంటర్లు, ఆసిఫాబాద్ జిల్లాలో 4,471 మందికి గానూ18 సెంటర్లను ఏర్పాటు చేశారు.
ఐదారు సెంటర్లను ఒక రూట్గా విభజించి రూట్, జాయింట్ రూట్ఆఫీసర్లుగా ఎంఈవోలు, మండలస్థాయి అధికారులను నియమించారు. ప్రతి సెంటర్లో ఇన్విజిలేటర్లు, డిపార్ట్మెంటల్ అధికారులు, ఐడెంటిటీ, బయోమెట్రిక్ వెరిఫికేషన్ సిబ్బంది, ఫ్లయింగ్ స్క్వాడ్లను, ఎగ్జామ్స్నోడల్ఆఫీసర్లుగా అడిషనల్కలెక్టర్లను నియమించారు. మంచిర్యాల జిల్లా నోడల్ఆఫీసర్గా అడిషనల్కలెక్టర్ మోతీలాల్, పోలీస్ నోడల్ అధికారిగా బెల్లంపల్లి ఏఆర్ ఏసీపీ సుందర్, రీజియన్ కోఆర్డినేటర్ గా నరేందర్ రెడ్డి వ్యవహరిస్తారు.
సీసీ కెమెరాలు, లైవ్ టెలికాస్ట్
ఎగ్జామ్స్ నిర్వహణలో ఎలాంటి పొరపాట్లు జరగకుండా సంబంధిత అధికారులు పకడ్బందీ ఏర్పాట్లు చేపట్టారు. అన్ని సెంటర్లలో సీసీ కెమెరాలు ఏర్పాటు చేశారు. లైవ్ టెలికాస్ట్ ద్వారా టీజీపీఎస్సీ అధికారులు ఎగ్జామ్స్ తీరును మానిటరింగ్ చేస్తారు. బీఎన్ఎస్163 సెక్షన్ విధించడంతో సెంటర్లకు 200 మీటర్ల దూరంలో ఎవరూ ఉండకూడదు.
500 మీటర్ల వరకు జనం గుమిగూడరాదు. సమీపంలోని జిరాక్స్సెంటర్లను మూసివేయాలని ఆదేశించారు. అభ్యర్థులకు ఎలాంటి ఇబ్బందులు కలగకుండా వైద్య సిబ్బంది, పోలీసు సిబ్బందిని నియమించారు. తాగునీరు, టాయ్లెట్స్, కరెంట్ సప్లయ్తో పాటు అన్ని సౌకర్యాలు కల్పించారు. ఆర్టీసీ అధికారులు సెంటర్ల వరకు బస్సులు నడిపేలా చర్యలు తీసుకున్నారు.
