తెలంగాణలో 17 లోక్సభ స్థానాలకు పోలింగ్ ప్రారంభమయ్యింది. ఓటర్లు పోలింగ్ స్టేషన్ల దగ్గర క్యూ కట్టారు. తమ ఓటు హక్కును వినియోగించుకుంటున్నారు. మే 13 ఉదయం 7 గంటల నుంచి సాయంత్రం 6 గంటల వరకు పోలింగ్ జరగనుంది. రాష్ట్రంలో 3.32 కోట్ల మంది ఓటర్లు తమ ఓటు హక్కు వినియోగించుకోనున్నారు.
జూబ్లీహిల్స్ లో మాజీ ఉపరాష్ట్రపతి వెంకయ్యనాయుడు దంపతులు ఓటు వేశారు. జూబ్లీహిల్స్‌లోని ఓబుల్‌రెడ్డి స్కూల్‌లో ఓటు వేశారు ఎన్టీఆర్ . ఎన్టీఆర్‌తో పాటు వచ్చిన ఆయన సతీమణి లక్ష్మీప్రణతి, తల్లి షాలిని ఓటు వేశారు. హైదరాబాద్ ఫిలింనగర్‌లోని బీఎస్‌ఎన్‌ఎల్‌ కార్యాలయం పోలింగ్ కేంద్రంలో ఓటు వేశారు అల్లు అర్జున్.
