హైదరాబాద్, వెలుగు: అమెజాన్ వెబ్ సర్వీసెస్ ఆధ్వర్యంలో రంగారెడ్డి జిల్లా కందుకూరు మండలం మీర్‌‌ఖాన్‌‌పేట గ్రామంలో పునరుద్దరించిన పలు ప్రాజెక్టులను అమెజాన్ వెబ్ సర్వీసెస్ గ్లోబల్ డేటా సీనియర్ఎగ్జిక్యూటివ్లు సెర్జియో లొరెయిరో, సాజీ పీకే, అదిత్య చౌదరి సమక్షంలో ఎమ్మెల్యే సబితా ఇంద్రారెడ్డి ప్రారంభించారు.
ఇక్కడ ప్రారంభించిన వాటిలో పబ్లిక్ పార్కు, వాటర్ ప్యూరిఫయర్ సిస్టమ్, పునర్నిర్మించిన ఆరోగ్య ఉపకేంద్రం భవనాలు, స్వయం సహాయక సంఘ సమావేశ మందిరం ఉన్నాయి. ఈ ప్రాజెక్టులను ‘సెర్చ్’ సహకారంతో అమెజాన్ అభివృద్ధి చేసింది. అమెజాన్ పని చేస్తున్న ప్రాంతాల్లో సమాజంపై సానుకూల ప్రభావం చూపడం ఈ ప్రాజెక్టుల ప్రధాన లక్ష్యం.
