వెంకటేష్ హీరోగా అనిల్ రావిపూడి దర్శకత్వంలో రూపొందుతోన్న చిత్రం ‘సంక్రాంతికి వస్తున్నాం’. మీనాక్షి చౌదరి, ఐశ్వర్య రాజేష్ హీరోయిన్స్‌. దిల్ రాజు, శిరీష్ నిర్మిస్తున్న ఈ చిత్రం సంక్రాంతి కానుకగా జనవరి 14న విడుదల కానుంది. ఈ సందర్భంగా మ్యూజికల్ ప్రమోషన్స్ స్టార్ట్ చేసిన మేకర్స్.. ఫస్ట్ సాంగ్‌‌కు ముహూర్తం ఫిక్స్ చేశారు.
‘గోదారి గట్టు’ అంటూ సాగే మొదటి పాటను డిసెంబర్ 3న విడుదల చేయనున్నట్టు ప్రకటించారు. ఈ సందర్భంగా రిలీజ్ చేసిన వెంకటేష్, ఐశ్వర్య రాజేష్ పోస్టర్ ఆకట్టుకుంది. వెన్నెల రాత్రి నేపథ్యంలో వేసిన సెట్‌‌లో.. ఆకాశంలో పౌర్ణమి అందంగా కనిపిస్తుంది. ఈ స్టిల్ పాటపై ఆసక్తిని పెంచుతోంది. భీమ్స్ సిసిరోలియో కంపోజ్ చేసిన ఈ పాటతో రమణ గోగుల సింగర్‌‌‌‌గా కమ్‌‌బ్యాక్ ఇస్తున్నారు. భాస్కరభట్ల లిరిక్స్ అందించారు. ఉపేంద్ర లిమాయే, రాజేంద్ర ప్రసాద్, సాయి కుమార్, నరేష్, వీటీ గణేష్, మురళీధర్ గౌడ్ ఈ చిత్రంలో ఇతర పాత్రలు పోషిస్తున్నారు.
