భద్రాద్రికొత్తగూడెం, వెలుగు: కొత్తగూడెం టౌన్లో నీటి ఎద్దడి నివారణకు ప్రత్యేక ప్రణాళిక రూపొందించాలని కలెక్టర్ అనుదీప్ మున్సిపల్ అధికారులను ఆదేశించారు. మున్సిపల్చైర్ పర్సన్, కౌన్సిలర్లు, కమిషనర్, ఇంజనీరింగ్ అధికారులతో సోమవారం కలెక్టరేట్ రివ్యూ నిర్వహించారు. ఈ సందర్భంగా కలెక్టర్మాట్లాడుతూ.. రెండు, మూడు నెలల్లో నీటి ఎద్దడి నివారణకు ప్రత్యేక నిధులు రావొచ్చని, కొత్తగూడెం మున్సిపాలిటీ అమృత్ స్కీంలో చేరే అవకాశం ఉందన్నారు. ఈ స్కీం కింద దాదాపు రూ.120 కోట్లు రావొచ్చని చెప్పారు. మిషన్ భగీరథ కింద ఇప్పుడిస్తున్న దానికంటే రెట్టింపు స్థాయిలో నీళ్లను తీసుకునే విధంగా ప్లాన్చేయాలని సూచించారు.
ALSO READ: వందల ఫోన్స్.. మెంటల్ టార్చర్.. డ్రగ్స్ కేసుపై స్పందించిన ఆషు రెడ్డి
సింగరేణి నీటిని కూడా వాడుకునేలా ప్రణాళికలు ఉండాలన్నారు. నీళ్లు లేక ప్రజలు ఇబ్బందులు పడుతుంటే వార్డుల్లో ఎందుకు తిరగడం లేదని ఆఫీసర్లపై కలెక్టర్ఆగ్రహం వ్యక్తం చేశారు. నల్లా కనెక్షన్లు, ఇతర వివరాలు పూర్తి స్థాయిలో అధికారుల వద్ద లేకపోవడంపై అసహనం వ్యక్తం చేశారు. మీటింగ్లో మున్సిపల్చైర్ పర్సన్ కె.సీతాలక్ష్మి, కమిషనర్ రఘు పాల్గొన్నారు. అనంతరం నీటి ఎద్దడిని నివారించాలని కోరుతూ సీపీఐ కౌన్సిలర్లు కలెక్టర్కు వినతిపత్రం ఇచ్చారు. అలాగే కలెక్టరేట్లో నిర్వహించిన గ్రీవెన్స్లో అనుదీప్పాల్గొని వినతులు స్వీకరించారు. వివిధ సమస్యలపై ఫిర్యాదులు చేసేందుకు వచ్చినవారితో కలెక్టరేట్ కిటకిటలాడింది. ఎర్రగుంట పీహెచ్సీలో ఆరోగ్య కార్యకర్తగా పనిచేస్తున్న తేజావత్ సుశీల ఇటీవల రాష్ట్రపతి చేతుల మీదుగా అవార్డు అందుకున్నారు. సోమవారం ఆమె కలెక్టర్ను కలవగా అధికారులతో కలిసి
సన్మానించారు.
