సిరిసిల్ల టౌన్, చందుర్తి, వెలుగు: మహాలక్ష్మీ పథకంతో తమ ఉపాధి దెబ్బతిందని, తమకు నెలకు రూ.15వేల జీవన భృతి చెల్లించి ఆదుకోవాలని ఆటోడ్రైవర్లు డిమాండ్చేశారు. శుక్రవారం సిరిసిల్ల జిల్లాకేంద్రంలో ఆటోలతో ర్యాలీ నిర్వహించారు. చందుర్తి మండల కేంద్రంలో డ్రైవర్లు నిరసన తెలిపారు. ఈ సందర్భంగా ఆటో యూనియన్లీడర్లు మాట్లాడుతూ కాంగ్రెస్ప్రభుత్వం తీరుతో రాజన్నసిరిసిల్ల జిల్లాలో సుమారు 5వేల మంది ఆటోడ్రైవర్లకు ఉపాధి లేకుండా పోయిందన్నారు. ఆటోలకు ఫైనాన్స్ కిస్తీలు కూడా కట్టే పరిస్థితి లేదని ఆవేదన వ్యక్తం చేశారు. కార్యక్రమంలో యూనియన్సభ్యులు, డ్రైవర్లు పాల్గొన్నారు.
కోరుట్ల, వెలుగు: కోరుట్లలో ఆటో, టాటా మ్యాజిక్ డ్రైవర్లు నిరసన ర్యాలీ చేపట్టారు. కొత్త బస్టాండ్ నుంచి ఆర్డీవో ఆఫీస్ వరకు భారీ ర్యాలీ చేపట్టారు. అనంతరం ఆర్డీవో ఆఫీస్లో వినతి పత్రం ఇచ్చారు.
