సిరికొండ, వెలుగు: మెట్టు మర్రి తండా సర్పంచ్ మంజుల, ఆమె భర్త బాల్ సింగ్ గురువారం కాంగ్రెస్పార్టీ నుంచి బీఆర్ఎస్లో చేరారు. రూరల్ ఎమ్మెల్యే బాజిరెడ్డి గోవర్ధన్ వారికి కండువా కప్పి వారిని పార్టీలోకి ఆహ్వానించారు. సర్పంచుల ఫోరం మండలాధ్యక్షుడు రమేశ్, లీడర్లు చందర్, మోజీరాంనరహరి, బాల్ కిషన్ పాల్గొన్నారు.
ALSO READ : రైతుల శ్రేయస్సు కోసం సమష్టిగా కృషి చేయాలి: ఈగ సంజీవరెడ్డి
లింగంపేట: ఎల్లారం గ్రామ సర్పంచ్ పట్లోల్ల మల్లయ్య యాదవ్ గురువారం ఎల్లారెడ్డి ఎమ్మెల్యే జాజుల సురేందర్ సమక్షంలో బీఆర్ఎస్లో చేరారు. మొదటి నుంచి బీఆర్ఎస్ లో ఉన్న ఆయన నెల కింద కాంగ్రెస్లో చేరారు. మనసు మార్చుకొని తిరిగి సొంతగూటికి చేరుకున్నారు. మండలాధ్యక్షుడు దివిటి రమేశ్, డీసీఎంఎస్ డైరెక్టర్ కపిల్రెడ్డి, శ్రీనునాయక్ పాల్గొన్నారు.
