- నేటి నుంచి వచ్చే నెల 5 వరకు అప్లికేషన్లకు గడువు
హైదరాబాద్, వెలుగు: బీసీ గురుకులాల్లో 2025–26 అకడమిక్ ఇయర్ డిగ్రీ అడ్మిషన్లకు సంబంధించిన నోటిఫికేషన్ రిలీజైంది. ఇంటర్ పూర్తి చేసిన వాళ్లు బుధవారం నుంచి వచ్చే నెల 5వరకు ఆన్ లైన్ లో mjptbcwreis.telangana.gov.in, tgrdccet.cgg.gov.in/TGRDCWEB/ లో అప్లై చేసుకోవాలని బీసీ గురుకుల సెక్రటరీ సైదులు సూచించారు. డిగ్రీ ఫస్ట్ ఇయర్ లో మొత్తం 32 కోర్సుల్లో 4,880 మంది బాలికలు , 4,380 మంది బాలురకు సీట్లు ఉన్నాయని పత్రిక ప్రకటనలో తెలిపారు.
గతేడాది వరకు ప్రతి ఏటా ఎంట్రన్స్ ఎగ్జామ్ నిర్వహించి సీట్లు భర్తీ చేయగా, ఈ ఏడాది నుంచి ఎంట్రన్స్ టెస్ట్ లేకుండానే సీట్లు కేటాయిస్తామని వెల్లడించారు. బీసీ గురుకులాల్లో ఇంటర్ చదువుతున్న విద్యార్థిని, విద్యార్థులు అప్లై చేసుకోవాల్సిన అవసరం లేదని, ఇంటర్ కాలేజీ ప్రిన్సిపాల్కు అప్లికేషన్ ఇస్తే సరిపోతుందని ఆయన పేర్కొన్నారు. మరిన్ని వివరాల కోసం ఫోన్ నెం. 040-–23328266 లో సంప్రదించాలని ఆయన సూచించారు.
