న్యూఢిల్లీ: వరల్డ్ కప్ మ్యాచ్‌‌‌‌లకు ఉన్న డిమాండ్‌‌‌‌ను దృష్టిలో పెట్టుకుని మరో 4 లక్షల టికెట్లను బీసీసీఐ అందుబాటులోకి తేనుంది. రెండో ఫేజ్‌‌‌‌లో వీటిని శుక్రవారం నుంచి అమ్మకానికి ఉంచనుంది. ఇందులో ఇండియా ఆడే మ్యాచ్‌‌‌‌లకు సంబంధించిన టికెట్లు ఎన్ని ఉన్నాయనే దానిపై బోర్డు క్లారిటీ ఇవ్వలేదు. వీలైనంత ఎక్కువ మందికి టికెట్లు అందేలా చూడటమే తన లక్ష్యమని బీసీసీఐ వెల్లడించింది.
‘ఈ నెల 8 రాత్రి 8 గంటల నుంచి సాధారణ టికెట్లు అందుబాటులోకి వస్తాయి. ఫ్యాన్స్‌ అధికారిక వెబ్‌‌‌‌సైట్‌(https://tickets.cricketworldcup.com) ద్వారా కొను గోలు చేయొచ్చు’ అని బోర్డు పేర్కొంది. తర్వాతి ఫేజ్ టికెట్ల విక్రయాలు ఎప్పుడనేది త్వరలో వెల్లడిస్తామని తెలిపింది.
