చాలా మందికి పూలు చూడగానే కోసే అలవాటు ఉంటుంది. పబ్లిక్ ప్లేస్ లో అందంగా ఉండేందుకు ఏర్పాటు చేసిన పువ్వులను సైతం కొందరు కోసేందుకు ప్రయత్నిస్తూ ఉంటారు. అటువంటి సమయంలో అధికారులు.. హెచ్చరిక బోర్డులు పెట్టడం కూడా చూస్తూనే ఉంటాం. అలాంటి నోటీసుల సాధారణ దృశ్యంగా అనిపించినప్పటికీ ప్రస్తుతం 'X' లో పోస్టయిన ఓ ఫొటో మాత్రం యూజర్స్ ను, నెటిజన్లను ఎంతగానో ఆకట్టుకుంటుంది. నిజానికి, ఇది మీ ముఖం నుంచి చిరునవ్వును తుడిచివేయడం ఖాయం అని కొందరు కామెంట్ కూడా చేస్తున్నారు.
ALSO READ: పాత పార్లమెంట్‌ ప్రజాస్వామ్యానికి సూచిక.. ఈ భవనంతో ఎన్నో తీపి..చేదు జ్ఞాపకాలు
మైక్రో-బ్లాగింగ్ సైట్‌లో కరిష్మా పేజీలో పోస్టయిన ఈ ఫొటోలో పూల వరుసల మధ్య హెచ్చరిక బోర్డును చూడవచ్చు. “దయచేసి పూలు తీయకండి...మేము చూస్తున్నాం!!! పువ్వులు కోస్తున్నప్పుడు నవ్వుతూ పట్టుబడితే...మీకు రూ. 500/- జరిమానా విధించబడుతుంది" అని ఈ బోర్డులో రాసి ఉంచారు. బెంగళూరు పార్క్‌లో ఇదే విధమైన నిబంధనతో కూడిన నోటీసు కనిపించింది. ఈ చిత్రంతో పాటుగా, “ఎప్పుడూ గగుర్పాటు కలిగించే నోటీసు బోర్డు!!” అని యూజర్ క్యాప్షన్ లో రాసుకువచ్చారు.
బృహత్ బెంగళూరు మహానగర పాలికే (BBMP) ఏర్పాటు చేసిన ఈ గుర్తు ప్రకారం, పార్క్ సందర్శకులు పార్క్ ఆవరణలో జాగింగ్ లేదా పరిగెత్తడాన్ని నిషేధించారు. "యాంటీ-క్లాక్‌వైస్ వాకింగ్ లేదు" అని తెలిపిన మూడవ నియమాన్ని గమనించే వరకు ఈ గుర్తు చాలా సాధారణమైనదిగా అనిపించింది. "యాంటీ క్లాక్‌వైస్ వాకింగ్", పార్కులు, వృత్తాకార మార్గాలకు వర్తించినప్పుడు, వ్యతిరేక దిశలో నడవడం వల్ల అంతరాయాలు, ప్రమాదవశాత్తు ఢీకొనే అవకాశం ఉంది. ఈ సంకేతం, ఒకే దిశలో నడవడానికి ప్రజలను ప్రోత్సహిస్తున్నట్లు అనిపించింది.
