- బీఆర్ఎస్ ఎమ్మెల్యే కేపీ వివేకానంద్
హైదరాబాద్, వెలుగు: పీసీసీ చీఫ్మహేశ్ కుమార్ గౌడ్ లేఖ రాయాల్సి వస్తే.. సీఎం రేవంత్ తప్పిదాలపైన రాయాలని బీఆర్ఎస్ ఎమ్మెల్యే కేపీ వివేకానంద్అన్నారు. మహేశ్గౌడ్ పీసీసీ చీఫ్ కాదని, పప్పెట్లా మారారని విమర్శించారు. రేవంత్కు రాసిన లేఖను మరిచిపోయి కేసీఆర్కు పంపారేమోనని ఎద్దేవా చేశారు. ఆదివారం ఆయన తెలంగాణ భవన్లో మీడియాతో మాట్లాడారు.
ప్రస్తుత పీసీసీ చీఫ్ ఓ డమ్మీ మాత్రమేనన్నారు. గతంలో పీసీసీ చీఫ్లు.. వారి సీఎంల పనితీరు బాగా లేకుంటే బహిరంగంగానే చెప్పేవారని, కానీ, ఇప్పుడు ఆ పరిస్థితి లేదని తెలిపారు. సోమవారం నుంచి జరగనున్న అసెంబ్లీ సెషన్లో కాంగ్రెస్అడిగే అన్ని ప్రశ్నలకు బీఆర్ఎస్బదులిస్తుందన్నారు. సీఎం రేవంత్ తప్పుల వల్ల కాంగ్రెస్ మరో 20 ఏండ్లు అధికారానికి దూరమయ్యే పరిస్థితి
ఏర్పడిందన్నారు.
