న్యూఢిల్లీ, వెలుగు: ఢిల్లీ లిక్కర్ స్కామ్లో మరోసారి కీలక పరిణామం చోటుచేసుకుంది. దర్యాప్తు సంస్థలు బీఆర్ఎస్ ఎమ్మెల్సీ కవిత బినామీగా పేర్కొంటున్న హైదరాబాద్ బేస్డ్ లిక్కర్ వ్యాపారి అరుణ్ రామచంద్ర పిళ్లై మరోసారి అప్రూవర్గా మారినట్టు తెలిసింది. లిక్కర్ స్కామ్లో నిందితుడిగా ఉన్న పిళ్లై నుంచి సీఆర్పీసీ సెక్షన్ 164 కింద ఎన్ ఫోర్స్ మెంట్ డైరెక్టరేట్ (ఈడీ) అధికారులు పిళ్లై స్టేట్మెంట్ను రికార్డు చేసినట్టు సమాచారం.
ALSO READ:తెలంగాణలో ఓట్లను చెల్లాచెదురు చేసిన్రు: మర్రి శశిధర్రెడ్డి
త్వరలో కోర్టులో హాజరుపరచనున్నట్టు తెలిసింది. ఢిల్లీ లిక్కర్ స్కామ్కు సంబంధించి మనీలాండరింగ్ వ్యవహారంలో ఈ ఏడాది మార్చి 7న ఈడీ పిళ్లైని అరెస్ట్ చేసింది. అతని నుంచి సౌత్ గ్రూప్ పాత్ర, హవాలా రూపంలో డబ్బుల మళ్లింపు విషయాలపై స్టేట్మెంట్ నమోదు చేసింది. ముఖ్యంగా సౌత్ గ్రూప్ నుంచి కిక్ బ్యాక్ల రూపంలో ఆప్ లీడర్ విజయ్ నాయర్ కు చేర వేసిన రూ.100 కోట్లు పై ఆరా తీసింది. కాగా, మార్చి 11న తొలిసారి ఈడీ ముందుకు కవిత విచాణకు హాజరయ్యే టైంలో పిళ్లై యూటర్న్ తీసుకున్నారు.
