కేంద్ర ప్రభుత్వంలో కొత్త మంత్రివర్గం ఏర్పడిన నేపథ్యంలో నీతి ఆయోగ్ను కేంద్రం పునర్వ్యవస్థీకరించింది.
చైర్ పర్సన్: ప్రధాన మంత్రి నరేంద్ర మోదీ
వైస్ చైర్ పర్సన్: సుమన్ కే బెరి(ఆర్థిక వేత్త)
శాశ్వత సభ్యులు : వీకే సారస్వత్ (శాస్త్రవేత్త), రమేశ్ చంద్ (వ్యవసాయ ఆర్థికవేత్త), వీకే పాల్ (వైద్యుడు), అరవింద్ విర్మనీ (స్థూల ఆర్థికవేత్త)
ఎక్స్అఫీషియో సభ్యులు : కేంద్ర మంత్రులు రాజ్నాథ్ సింగ్, అమిత్ షా, శివరాజ్ సింగ్ చౌహాన్ (కొత్త ఎక్స్ అఫీషియో సభ్యుడిగా చేరారు), నిర్మలా సీతారామన్ (ఆర్థిక మంత్రి)
ప్రత్యేక ఆహ్వానితులు : జేపీ నడ్డా (వైద్య ఆరోగ్యం), కింజరాపు రామ్మోహన్ నాయుడు (పౌర విమానయానం), హెచ్డీ కుమారస్వామి (ఉక్కు, భారీ పరిశ్రమలు), జితన్రాం మాంఝీ (ఎంఎస్ఎంఈ), రాజీవ్ రాంజన్ సింగ్ (పంచాయతీరాజ్, పశుసంవర్థకం), జూయెల్ ఓరం (గిరిజన వ్యవహారాలు), అన్నపూర్ణాదేవి (మహిళా శిశు సంక్షేమం) చిరాగ్ పాశ్వాన్ (ఆహారశుద్ధి పరిశ్రమలు).
నీతి ఆయోగ్ 64 ఏండ్లపాటు దేశానికి సేవలందించి కేంద్రంలో సూపర్ కేబినెట్గా పేరుగాంచిన ప్రణాళిక సంఘం స్థానంలో నీతి ఆయోగ్(జాతీయ పరివర్తన సంస్థ)ను కేంద్రంలోని ఎన్డీఏ ప్రభుత్వం 2015, జనవరి 1న ఏర్పాటు చేసింది. దీంతో ప్రణాళికా సంఘం రద్దయింది. ప్రపంచీకరణ నేపథ్యంలో మారిన ఆర్థిక పరిస్థితులు, కొత్త సాంకేతికతలు, మేధోసంపద వినియోగం, పాలనలో పారదర్శకత తదితర అంశాల ప్రాతిపదికన నీతి ఆయోగ్ ఏర్పడింది.
