చేతిలో ఫోన్ఉంటే చాలు.. ఏం జరుగుతున్నా జనాలు పట్టించుకోవడం లేదు. ఎక్కడ ఉన్నా సరే మొబైల్ లో ఉండి.. కనీసం పిల్లలను కూడా పట్టించుకోవడం లేదు. సరి ఇదంతా ఇంట్లోనే.. మన బజార్ లోనే అయితే సరిపోతుంది. అదే బాగా రద్దీగా ఉండే ప్రదేశాలైతే పిల్లలను పట్టించుకోకపోతే అనర్ధాలు చవి చూడాల్సి వస్తుంది. తాజాగా చిలీలోని శాంటియాగో అంతర్జాతీయ విమానశ్రయంలో ఓ షాకింగ్ ఘటన జరిగింది. వివరాల్లోకి వెళ్తే...
విమానాశ్రయాలు సహజంగా రద్దీగా ఉంటాయి. ప్లాట్ ఫామ్స్ పైకి వచ్చి పోయే జనాలతో జనాలు రద్దీగా ఉంటారు. గమ్య స్థానాలకు చేరుకోవాల్సిన వారు విమానం ఎక్కేందుకు వస్తుంటారు. అలాగే ఓ దంపతులు మూడేళ్ల చిన్నారితో శాంటియాగో అంతర్జాతీయ విమానశ్రయానికి వచ్చారు. పిల్లాడిని పట్టించుకోకుండా.. వారు తమ ఫోన్లలో బిజీగా ఉన్నారు. ఆ సమయంలో ఆ అల్లురి పిల్లాడు చేసిన ఘటన సోషల్ మీడియాలో వైరల్ అవుతుంది. ఎయిర్ పోర్ట్ సిబ్బంది స్పందించడంలో కాస్త ఆలస్యమైతే పిల్లాడి ప్రాణాలకు ప్రమాదం వాటిల్లేది.. ఇంతకూ అసలేం జరిగింటే....
ఎయిర్ పోర్టులో ఆడుకుంటున్న బాలుడు బ్యాగేజీ కన్వేయర్ పైకి ఎక్కి కూర్చున్నాడు. ఈ విషయాన్ని తల్లి దండ్రులు గమనించలేదు. వారు ప్రయాణం చేయాల్సిన విమానం వస్తుందని తెలిసిన వెంటనే పిల్లాడికోసం వెతకడం ప్రారంభించారు. అప్పటికే కన్వేయర్పై చాలా దూరం వెళ్లిన పిల్లాడిని గమనించలేదు. ఎయిర్ పోర్టు సిబ్బందికి తమ చిన్నారి కనపడటం లేదని చెప్పగా ఎయిర్‌పోర్ట్ ఉద్యోగులు కూడా వెతకుతుండగా కదులుతున్న కన్వేయర్ బెల్ట్‌లో అబ్బాయి కనిపించాడు.
Parents lose sight of their child at the airport pic.twitter.com/xQvRf4jIHQ
— Crazy Clips (@crazyclipsonly) May 8, 2024
అయితే అక్కడి పరిస్థితిని బట్టి చూస్తే నిమిషాల వ్యవధిలో చిన్నారి ప్రాణాలు కోల్పోయే అవకాశం ఉంది. ఈ సమయంలో విమానాశ్రయ ఉద్యోగులు అన్ని కన్వేయర్ రోలర్లను దాటి పిల్లాడి ప్రాణాలను కాపాడారు. ఏమాత్రం ఆలస్యమైనా బాలుడి ప్రాణాలు గాలిలో కలిసిపోయేవి. సోషల్ మీడియాలో ఈ వీడియో పోస్టు చేయడంతో నెటిజన్లు స్పందించారు, క్షణం ఆలస్యమైతే ప్రాణాలు గాలిలో కలిసిపోయాయి అని కొందరు అంటుండగా.. తల్లిదండ్రులు, మీరు దీనిని చూసినవారు, అప్రమత్తంగా ఉండండి అంటూ మరికొందరు కామెంట్ చేస్తున్నారు...
