టైటిల్ : సిటడెల్‌: హనీ బన్నీ
ప్లాట్ ఫాం : అమెజాన్ ప్రైమ్ వీడియో
డైరెక్షన్ : రాజ్‌ అండ్‌ డీకే
కాస్ట్ : వరుణ్‌ ధావన్‌, సమంత, కేకే మేనన్‌, సికందర్‌ ఖేర్‌, సిమ్రన్‌, షకీబ్‌ సలీమ్‌
లాంగ్వేజ్: హిందీ, తెలుగు
హనీ (సమంత) నైనిటాల్‌లోని ఒక కాఫీ షాప్‌లో పని చేస్తుంటుంది. ఆమెకు నాడియా (కష్వీ) అనే ఐదేళ్ల కూతురు ఉంటుంది. ఒక రోజు సరుకుల కోసం వెళ్లిన హనీని ఒక వ్యక్తి ఫాలో అవుతుంటాడు. అది గమనించిన హనీ అక్కడి నుంచి పారిపోయేందుకు ప్రయత్నిస్తుంది. కానీ.. దొరికిపోతుంది. ఆ తర్వాత వాళ్ల బందీ నుంచి తప్పించుకుని తన కూతురు దగ్గరకు వెళ్తుంది. కూతురితోపాటు అక్కడినుంచి వేరే చోటికి వెళ్తుంది.
కొందరు వ్యక్తులు ఆమె ఉన్న ప్లేస్ తెలుసుకుని వెంబడిస్తారు. మరోవైపు చనిపోయింది అనుకున్న తన భార్య హనీ బతికే ఉందన్న విషయం విదేశాల్లో ఉన్న బన్నీ (వరుణ్‌ ధావన్‌)కి తెలుస్తుంది. దాంతో ఆమెను వెతుక్కుంటూ ఇండియాకు వస్తాడు. ఒకవైపు సిటాడెల్ టీం, మరోవైపు ప్రైవేటు సీక్రెట్‌ ఏజెన్సీ లీడర్ గురు (కేకే మేనన్‌) ‘అర్మార్డ్‌’ అనే వస్తువును వెతుకుతుంటారు. ఆర్మార్డ్కి హనీకి ఉన్న సంబంధం ఏంటి? హనీ వాళ్ల నుంచి తప్పించుకుందా? లేదా? తెలియాలంటే ఈ వెబ్సిరీస్ చూడాల్సిందే.
