నల్గొండ అర్బన్, వెలుగు : పేదలకు మెరుగైన వైద్య సేవలు అందించాలని కలెక్టర్ ఇలా త్రిపాఠి వైద్య సిబ్బందిని ఆదేశించారు. గురువారం నల్గొండ మండలం రాములబండ తండా ప్రాథమిక ఆరోగ్య కేంద్రాన్ని ఆమె ఆకస్మికంగా తనిఖీ చేశారు. ఆరోగ్య కేంద్రంలోని రిజిస్టర్లు పరిశీలించారు. ఈ సందర్భంగా కలెక్టర్ మాట్లాడుతూ ప్రాథమిక ఆరోగ్య కేంద్రంలో వైద్య పరీక్షలు, ఓపీ సంఖ్య పెంచాలని తెలిపారు.
రాములబండ తండా పీహెచ్ పీలో స్టాఫ్ నర్సుతోపాటు, ల్యాబ్ టెక్నీషియన్ ను నియమించాలని కోరగా, ఆమె సానుకూలంగా స్పందించారు. కలెక్టర్ వెంట జిల్లా వైద్యారోగ్యశాఖ అధికారి డాక్టర్ పుట్ల శ్రీనివాస్, డిప్యూటీ డీఎంహెచ్ వో డాక్టర్ వేణుగోపాల్ రెడ్డి, వైద్య సిబ్బంది తదితరులు ఉన్నారు.
