- కలెక్టర్ మనుచౌదరి
సిద్దిపేట రూరల్, వెలుగు: పదో తరగతి పరీక్షల్లో వందశాతం ఉత్తీర్ణత సాధించే విధంగా స్టూడెంట్స్ను సిద్ధం చేయాలని కలెక్టర్మనుచౌదరి విద్యాశాఖ అధికారులకు సూచించారు. మంగళవారం ఆయన సిద్దిపేట కలెక్టర్ ఆఫీస్ లో జిల్లాలోని అన్ని ప్రభుత్వ స్కూళ్ల హెచ్ఎంలు, మోడల్ స్కూళ్ల ప్రిన్సిపాళ్లు, కేజీబీవీల ప్రత్యేక అధికారులతో సమావేశం నిర్వహించారు.
ఈ సందర్భంగా కలెక్టర్ మాట్లాడుతూ.. గత రెండేళ్ల మాదిరిగానే ఈసారి కూడా పదో తరగతి పరీక్షల్లో ఉత్తమ ఫలితాలు సాధించాలన్నారు. ఇందుకోసం స్టూడెంట్స్ను ప్రత్యేకంగా చదివించాలన్నారు. టీచర్లు వెనుకబడిన స్టూడెంట్స్పై ప్రత్యేక దృష్టి పెట్టాలన్నారు. స్టూడెంట్స్కు స్నాక్స్ కోసం రూ. 25 లక్షలు అందిస్తానన్నారు. కార్యక్రమంలో డీఈవో శ్రీనివాస్ రెడ్డి, జిల్లా ఉమ్మడి పరీక్షల సెక్రటరీ షౌకత్ అలీ, ప్రభుత్వ పరీక్షల అసిస్టెంట్ కమిషనర్ లక్ష్మయ్య, విద్యాశాఖ సెక్టోరల్ అధికారి రామస్వామి పాల్గొన్నారు.
