- జిల్లా జడ్జి కుంచాల సునీత
ఆర్మూర్, వెలుగు : స్వల్ప వివాదాలపై కోర్టు, పోలీస్ స్టేషన్ లకు వెళ్లకుండా ప్రజలు కమ్యూనిటీ మీడియేషన్ సెంటర్(సీఎంసీ)ను సంప్రదించి సమస్యలను పరిష్కరించుకోవాలని జిల్లా జడ్జి కుంచాల సునీత అన్నారు. మంగళవారం ఆర్మూర్ టౌన్ లోని మేరు సంఘం భవనంలో తెలంగాణ హైకోర్టు సౌజన్యంతో ఏర్పాటు చేసిన కమ్యూనిటీ మీడియేషన్ సెంటర్ను ప్రారంభించారు. అనంతరం జడ్జి మాట్లాడుతూ సమస్యల పరిష్కారం కోసం ఏర్పాటు చేసిన సీఎంసీని ఉపయోగించుకోవాలన్నారు.
ఈ సంటర్లో శిక్షణ పొందినవారితో కౌన్సిలింగ్ ఇవ్వడంతో ఎలాంటి ఫీజులు లేకుండా ఉచిత సేవలు అందజేస్తారన్నారు. కార్యక్రమంలో ఆర్మూర్ సీనియర్ జడ్జి నజీమ్ సుల్తానా, జూనియర్ జడ్జి దీప్తి, నిజామాబాద్సీనియర్ సివిల్ జడ్జి పద్మావతి, ఆర్మూర్ ఆర్డీవో రాజాగౌడ్, ఏసీపీ గట్టు బస్వారెడ్డి, సీఐ రవి కుమార్, డీఎల్ఎస్ఏ సూపరింటెండెంట్పురుషోత్తమ్ గౌడ్, ఆర్మూర్ కేంద్రం ప్రతినిధులు బాబా గౌడ్, గుజరాతి నివేదన్, శంకర్ గౌడ్, బార్ అసోసియేషన్ ప్రెసిడెంట్ తెడ్డు నర్సయ్య తదితరులు పాల్గొన్నారు.
