- కబ్జా చెర నుంచి 16 ఎకరాలను రక్షించాలని బీజేపీ ఫిర్యాదు
జీడిమెట్ల, వెలుగు: కోట్ల విలువైన ప్రభుత్వ భూమిని కబ్జా చేసి ఓఎల్ఎక్స్లో విక్రయిస్తున్న వ్యక్తిపై క్రిమినల్కేసులు నమోదు చేయాలని స్థానిక బీజేపీ నాయకులు గురువారం కుత్బుల్లాపూర్తహసీల్దార్ కు ఫిర్యాదు చేశారు. అనంతరం వారు మాట్లాడుతూ.. గాజులరామారం సర్వే నంబర్ 307లోని 16 ఎకరాల ప్రభుత్వ భూమిని గతంలో మైనింగ్కోసం లీజుకు ఇచ్చారని, అయితే సదరు భూమిని ఓ ప్రజాప్రతినిధి అనుచరుడు ఆక్రమించాడని ఆరోపించారు.
దాదాపు రూ.150 కోట్ల విలువ చేసే 16 ఎకరాలను ఆక్రమించి 477 ప్లాట్లుగా మార్చాడని, వాటిని ఓఎల్ఎక్స్లో విక్రయిస్తూ సొమ్ము చేసుకుంటున్నాడని చెప్పారు. ఇప్పటికే రూ.కోట్లు గడించాడని చెప్పారు. ప్రభుత్వ స్థలాన్ని మట్టితో నింపి ఆక్రమిస్తున్న, ప్లాట్లుగా విక్రయిస్తున్న వ్యక్తిపై క్రిమినల్ కేసులు నమోదు చేసి, భూమిని రక్షించాలని కోరారు. ఫిర్యాదు చేసిన వారిలో బీజేపీ నేతలు ఆకుల సతీశ్, శ్రీనివాస్గౌడ్, అరుణ్రావు, చందు, బలరాం తదితరులు ఉన్నారు.
