ఆదిలాబాద్, వెలుగు: ఆదిలాబాద్ నియోజ‌కవ‌ర్గంలోని పలు మండలాల్లో కాంగ్రెస్ నాయకులు బుధవారం ప్రజాపాలన విజయోత్సవాలు నిర్వహించారు. మావ‌ల మండ‌లం వాఘాపూర్, ఆదిలాబాద్ రూర‌ల్ మండ‌లం పిప్పల్ధరి, జైన‌థ్ మండ‌లం పిప్పర్వాడ, బేల మండ‌లం డోప్టాల గ్రామాల్లో నిర్వహించిన కార్యక్రమానికి కాంగ్రెస్ నియోజకవర్గ ఇంచార్జీ కంది శ్రీనివాస్ రెడ్డి హాజరయ్యారు.
సీఎం రేవంత్ రెడ్డి, మంత్రి సీతక్క ఫ్లెక్సీలకు క్షీరాభిషేకం చేశారు. పేద, బ‌డుగు బ‌ల‌హీన వ‌ర్గాల సంక్షేమ‌మే ల‌క్ష్యంగా కాంగ్రెస్ప్రభుత్వం పనిచేస్తోందన్నారు. ఇందిర‌మ్మ ఇండ్లు, రైతు భ‌రోసా, ఇందిర‌మ్మ ఆత్మీయ భ‌రోసా, కొత్త రేష‌న్ కార్డులు మంజూరు చేసి మాట నిల‌బెట్టుకుంద‌న్నారు. వాఘాపూర్లో క‌మ్యూనిటీ హాల్ నిర్మాణానికి భూమి పూజ చేశారు. కార్యక్రమాల్లో కాంగ్రెస్ నాయకులు గిమ్మ సంతోష్ రావు, భూపెల్లి శ్రీధర్, చంద్రశేఖర్ రెడ్డి, ప్రతాప్ రెడ్డి, హనుమంత్ తదితరులు పాల్గొన్నారు.
