హైదరాబాద్, వెలుగు: రాష్ట్ర వ్యాప్తంగా భారీ వర్షాలు కురుస్తుండటంతో రాష్ట్ర సచివాలయంలో ప్రత్యేకంగా కంట్రోల్ రూమ్ ను ఏర్పాటు చేశారు. సెక్రటేరియెట్ గ్రౌండ్ ఫ్లోర్ రూమ్ నెంబర్ 34లో డిజాస్టర్ మేనేజ్మెంట్ ఆధ్వర్యంలో ఈ కంట్రోల్ రూమ్ తెరిచారు.
కంట్రోల్ రూమ్ కు 040– -23454088 ఫోన్ నంబర్ ను కేటాయించారు. వర్షాలు, వరదల పరిస్థితిని జిల్లా కలెక్టర్లతో ఎప్పటికప్పుడు సంప్రదించి వారికి కావాల్సిన సహాయ సహకారాలు, తగు సూచనలను ఈ కంట్రోల్ రూమ్ ద్వారా అందిస్తారు.
