- మెదక్ జిల్లాలో సీఎంఆర్ ఇవ్వని మిల్లర్లపై క్రిమినల్ కేసులు
- ఆర్ఆర్యాక్ట్ కింద రికవరీకి చర్యలు
- స్థిర, చరాస్థుల వేలానికి రెడీ
- నర్సాపూర్లో రూ. 57 కోట్లు బకాయి పడ్డ ఓ వ్యాపారి
మెదక్, వెలుగు: జిల్లాలో రూ.130 కోట్ల విలువైన కస్టం మిల్లింగ్ రైస్(సీఎంఆర్) పక్కదారి పట్టాయి. ప్రభుత్వానికి బియ్యం ఇవ్వకుండా మోసం చేసిన రైస్ మిల్లర్లపై క్రిమినల్ కేసులు నమోదు చేసి బకాయి మొత్తం రికవరీ చేసేందుకు సివిల్సప్లయీస్అధికారులు చర్యలు తీసుకుంటున్నారు. జిల్లాలోని 21 మండలాల పరిధిలో160 రైస్మిల్లులున్నాయి. ప్రతిఏటా వానాకాలం, యాసంగి సీజన్లలో పీఏసీఎస్, ఐకేపీ, ఏఎంసీ ఆధ్వర్యంలో ఏర్పాటు చేసి కొనుగోలు కేంద్రాల ద్వారా రైతుల నుంచి కొన్న ధాన్యాన్ని కస్టం మిల్లింగ్కోసం రైస్మిల్లులకు కేటాయిస్తారు.
వారు ధాన్యాన్ని మిల్లింగ్చేసి క్వింటాలుకు 67 కిలోల చొప్పున బియ్యాన్ని నిర్దేశిత గడువులోగా సివిల్సప్లై డిపార్ట్మెంట్కు అందజేయాలి. కాగా, జిల్లాలో పలువురు మిల్లర్లు ఈ నిబంధన తుంగలో తొక్కారు. 2022–-23 వానాకాలం, 2022-–23 యాసంగి సీజన్లకు సంబంధించి ఏడుగురు రైస్మిల్లర్లు సీఎంఆర్కింద ఇవ్వాల్సిన 18 వేల మెట్రిక్టన్నుల బియ్యాన్ని గడువు ముగిసినా ఇవ్వలేదు. గడువులోగా సీఎంఆర్ ఇవ్వకుంటే నిబంధనల ప్రకారం పెనాల్టీ కింద 25 శాతం అదనంగా ఇవ్వాలి. ఈ లెక్కన ఆయా మిల్లర్లు 22,500 మెట్రిక్టన్నుల బియ్యం బకాయి పడ్డారు.
ఈ బియ్యం విలువ రూ.82 కోట్లు ఉంటుంది. సివిల్ సప్లయీస్అధికారులు ఎన్నిసార్లు అడిగినా, హెచ్చరించినా స్పందన లేకపోవడంతో రామాయంపేట మండలం కాట్రియాలలోని భవాని రైస్మిల్, నర్సాపూర్మండలం పెద్ద చింతకుంటలోని మహాలక్ష్మి, వీరభద్ర, పాపన్నపేట సాయికృప, హవేలి ఘనపూర్ మండలం వాడిలోని శారద ట్రేడర్స్, సర్దనలోని చాముండేశ్వరి, మెదక్ మండలం పాతూర్లోని సాయి సంతోషి రైస్మిల్స్పై క్రిమినల్ కేసులు నమోదు చేసినట్టు సివిల్ సప్లయీస్డీఎం హరికృష్ణ తెలిపారు.
ఇదిలా ఉండగా, నర్సాపూర్లో శ్రీధర్గుప్తాకు చెందిన మూడు రైస్మిల్లుల మీద కూడా కేసులు నమోదు చేశారు. వాటి నుంచి సీఎంఆర్కు సంబంధించిన బకాయిలు రూ.57.17 కోట్లు రావాల్సి ఉండగా రూ.14.70 కోట్లు రికవరీ చేశారు. ఇవిపోను ఇంకా రూ.42.47 కోట్లు బకాయి ఉంది. కాగా, శ్రీధర్గుప్తాకు చెందిన రూ.15 కోట్ల విలువైన రైస్మిల్సివిల్సప్లయీస్డిపార్ట్మెంట్కంట్రోల్లో ఉంది. అలాగే 2022-–23 సీజన్కు సంబంధించి మరో 16 రైస్మిల్లుల నుంచి 4,700 మెట్రిక్ టన్నుల సీఎంఆర్ రావాల్సి ఉండగా అందులో 2,500 మెట్రిక్టన్నులు రికవరీ అయ్యింది. అదిపోను ఇంకా 2,200 మెట్రిక్ టన్నులు పెండింగ్ఉంది. ఈ బియ్యం విలువ రూ.7 కోట్ల వరకు ఉంటుంది.
స్థిర, చరాస్థుల జప్తుకు చర్యలు
సీఎంఆర్బకాయిలు ఇవ్వని మిల్లర్లపై ఆర్ఆర్యాక్ట్కింద స్థిర, చరాస్థుల జప్తు దిశగా అధికారులు చర్యలు తీసుకుంటున్నారు. ఫామ్–1, ఫామ్–2 నోటీసులిచ్చినా స్పందించకుంటే స్థిరాస్థులైన ఇండ్లు, పొలాలు, ఇతర ఆస్థులు, చరాస్థులైన కార్లు, ఏసీలు, ఫ్రిడ్జ్లు, టీవీల వంటివి ఏమున్నాయో గుర్తిస్తారు. నెల రోజుల సమయం ఇచ్చి అయినా స్పందించకుంటే వేలం వేస్తారు.
నోటీసులు ఇస్తున్నాం
సివిల్సప్లయీస్ కమిషనర్ఆదేశాల మేరకు సీఎంఆర్బకాయి పడ్డ రైస్మిల్లర్ల మీద క్రిమినల్కేసులు నమోదు చేశాం. బియ్యం తాలూకు డబ్బులను రికవరీ చేసేందుకు ఆర్ఆర్యాక్ట్ అమలు చేస్తున్నాం. సంబంధిత మిల్లర్లకు ఫామ్– 1 నోటీసులు ఇచ్చాం. ఆ గడువు తీరిపోవడంతో ఫామ్–- 2 నోటీసులివ్వనున్నాం. మొత్తం ఐదు నోటీసులిస్తాం. అయినా స్పందన లేకపోతే గజిట్నోటిఫికేషన్ జారీ చేసి ఆస్తులు వేలం వేస్తాం.
హరికృష్ణ, సవిల్ సప్లై డీఎం
