హైదరాబాద్, వెలుగు: అగ్రికల్చర్, హార్టికల్చర్ యూనివర్సిటీల్లో యూజీ కోర్సుల్లో అడ్మిషన్లకు అప్లికేషన్ల గడువును ఈ నెల 29 వరకు పొడిగించారు. విద్యార్థులు, వారి తల్లిదండ్రుల వినతుల మేరకు బైపీసీ స్ట్రీమ్ కోర్సుల్లో దరఖాస్తు చేసుకునే తేదీని పెంచినట్టు జయశంకర్ వ్యవసాయ విశ్వవిద్యాలయం రిజిస్ట్రార్ డాక్టర్. పి. రఘురామిరెడ్డి తెలిపారు. జులై12వ తేదీ నుంచి ఆగస్టు17వ తేదీ వరకు అర్హులైన అభ్యర్థుల నుంచి దరఖాస్తులను స్వీకరించామని చెప్పారు. తొలి విడతలో దరఖాస్తు చేసుకోని అభ్యర్థులు ఈ అవకాశాన్ని సద్వినియోగం చేసుకోవాలని రిజిస్ట్రార్ సూచించారు. పూర్తి వివరాల కోసం అగ్రికల్చర్ యూనివర్సిటీ వెబ్ సైట్ www.pjtsau.edu.in ను సందర్శించాలని సూచించారు.
