- చెట్ల పొదల్లోకి దూసుకెళ్లిన ఎస్కార్ట్ వెహికల్
- జనగామ జిల్లా పెంబర్తిలో ఘటన
జనగామ, వెలుగు: డిప్యూటీ సీఎం భట్టి విక్రమార్క కాన్వాయ్కి ప్రమాదం జరిగింది. ఎస్కార్ట్గా వెళ్లిన ఎస్సై, డ్రైవర్ సేఫ్గా బయటపడ్డారు. హైదరాబాద్ నుంచి వరంగల్ పర్యటనకు డిప్యూటీ సీఎం బయల్దేరగా జనగామ జిల్లా ప్రారంభం పెంబర్తి నుంచి ఎస్కార్ట్గా స్థానిక ఎస్సై చెన్నకేశవులు తన వాహనంలో వెళ్లారు. పెంబర్తి శివారు దగ్గరలో ఎస్సై వాహనం వెనక వస్తున్న డిప్యూటీ సీఎం కాన్వాయ్లోని ఓ వాహనం తగిలేటట్లు రావడంతో అప్రమత్తమైన డ్రైవర్ సాగర్.. ప్రమాదాన్ని తప్పించే ప్రయత్నంలో బండిని ఎడమ వైపుకు తిప్పాడు.
దీంతో అప్పటికే వాహనం వేగంగా ఉండడంతో అదుపు తప్పి పొదల్లోకి దూసుకెళ్లింది. కిలోమీటర్ హద్దురాయిని ఢీకొని ఆగిపోయింది. ఈ ఘటనలో ఎస్సైతో పాటు డ్రైవర్ సాగర్కు ఎలాంటి గాయాలు కాలేదు. విషయం తెలియగానే టౌన్ సీఐ దామోదర్ రెడ్డి స్పాట్కు చేరుకుని ఆరా తీశారు. ప్రమాదంపై భట్టి ఆరా తీసి ఎస్సై క్షేమ సమాచారం గురించి అడిగి తెలుసుకున్నారని సీఐ మీడియాకు తెలిపారు.
