సదాశివనగర్, వెలుగు: జిల్లాలో రైతులు పండిస్తున్న పంటల వివరాలను ఆన్లైన్లో నమోదు చేయాలని జిల్లా వ్యవసాయ అధికారి తిరుమల ప్రసాద్ అన్నారు. మంగళవారం కామారెడ్డి జిల్లా సదాశివనగర్ మండలంలోని మోడెగామ గ్రామంలో రైతులు పండిస్తున్న పంటలను పరిశీలించి, వివరాలు నమోదు చేశారా అని రైతులను అడిగి తెలుసుకున్నారు.
ఆయన మాట్లాడుతూ.. జిల్లాలో రైతులు పండిస్తున్న వరి, పత్తి, సోయా, చెరుకు, మక్క పంటలను ఆశించే తెగుళ్లు గుర్తించి అగ్రికల్చర్ ఆఫీసర్ల సూచనల మేరకు మందులు పిచికారీ చేయాలన్నారు. పంటల వివరాలు ఆన్లైన్లో నమోదు చేయించుకోవాలని సూచించారు. ఆయన వెంట మండల అగ్రికల్చర్ ఆఫీసర్ ప్రజాపతి, ఏఈవోలు, రైతులు పాల్గొన్నారు.
