న్యూఢిల్లీ: ఎంప్లాయీస్ ప్రావిడెండ్ ఫండ్ ఆర్గనైజేషన్(ఈపీఎఫ్ఓ)లో సభ్యత్వం ఉన్న కొత్త ఉద్యోగులు ఇక నుంచి వ్యక్తిగత వివరాలను, ఈపీఎఫ్ ట్రాన్స్ఫర్ను ఎంప్లాయర్స్ వెరిఫికేషన్ లేకుండా సొంతంగానే చేసుకోవచ్చు. దీనివల్ల 7.6 కోట్ల మంది సభ్యులకు మేలు జరుగుతుంది. ఈ కొత్త సదుపాయం శనివారం నుంచి అమల్లోకి వచ్చింది. ఈకేవైసీ ఈపీఎఫ్ఖాతాల (ఆధార్ సీడెడ్) సభ్యులు ఈపీఎఫ్ ట్రాన్స్ఫర్ క్లెయిమ్స్ను ఆధార్ఓటీపీతో పూర్తి చేయవచ్చు.
ఈ సందర్భంగా కేంద్ర కార్మిక శాఖ మంత్రి మన్సుఖ్ మాండవీయ మాట్లాడుతూ సంస్థలకు, వాటి ఉద్యోగులకు ఈ రెండు విధానాల వల్ల ఎంతో మేలు జరుగుతుందని చెప్పారు. పేరు, పుట్టిన తేదీ, లింగం, జాతీయత, తల్లిదండ్రుల పేర్లు, డేట్ ఆఫ్ జాయినింగ్, డేట్ఆఫ్ లీవింగ్వంటి వాటిలో మార్పులను కూడా ఉద్యోగులు సొంతంగా చేసుకోవచ్చని, ఎంప్లాయర్ అప్రూవల్ అవసరం లేదని వివరించారు.
