జూలూరుపాడు, వెలుగు: మండల పరిధిలోని వీరభద్రపురం గ్రామ సమీపంలోని సీతారామ ప్రాజెక్ట్ వద్ద మండలానికి లింక్ కెనాల్ ద్వారా చెరువులకు నీరు అందించాలని ఆదివారం రైతులు నిరసన చేపట్టారు. గత బీఆర్ఎస్ ప్రభుత్వంలో సీతారామ ప్రాజెక్ట్ ద్వారా నీరు అందిస్తామని హామీ ఇచ్చినా ఇప్పటి వరకు పనులు పూర్తికాలేదని రైతులు అన్నారు.
ఈ ప్రాజెక్ట్ వలన వేలాది ఎకరాల భూములను రైతులు కోల్పోయారని, ఉమ్మడి ఖమ్మం జిల్లాలో నీటి వసతి లేని మండలం జూలూరుపాడు మండలం కాబట్టి సీతారామ ప్రాజెక్ట్ ను యుద్ధప్రాదికన పనులు పూర్తి చేసి, లింక్ కెనాల్ ద్వారా చెరువులకు నీటిని అందించి రైతులను ఆదుకోవలన్నారు.ఈ కార్యక్రమంలో మండలంలోని గుండెపుడి, వినోభనగర్, రామచంద్రపురం, అనంతారం గ్రామాల రైతులు పాల్గొన్నారు.
