భువనగిరి ‘త్రీజీ’ రిలీజ్

ఈనెల 25 నుంచి రైతులతో మీటింగ్
ప్రతి రైతు నుంచి ల్యాండ్ డిటైల్స్ సేకరణ
వలిగొండలో మీటింగ్బహిష్కరించిన రైతులు
దివీస్ కంపెనీ కోసమే అలైన్మెంట్ మార్చారని ఆరోపణ
బహిరంగ మార్కెట్ రేటు ప్రకారమైతే ఇస్తామంటున్న రైతులు

యాదాద్రి, వెలుగు : రీజినల్రింగ్ రోడ్డు ఉత్తర భాగంలోని చివరి త్రీజీ నోటిఫికేషన్రిలీజ్ అయింది. భూ సేకరణ కోసం ఉత్తర భాగంలో ఏర్పాటు చేసిన 8 'కాలా'ల్లో ఏడింటి త్రీజీ ఇప్పటికే రిలీజ్ అయ్యాయి. తాజాగా భువనగిరికి చెందిన త్రీజీని నేషనల్హైవే అథారిటీ రిలీజ్ చేసింది. సంగారెడ్డి, మెదక్, సిద్దిపేట, యాదాద్రి జిల్లాలో ట్రిపుల్ ఆర్ ఉత్తర భాగం నిర్మాణం కానుంది. 164 కిలోమీటర్ల రోడ్డుకు అవసరమైన 5,025 ఎకరాలను సేకరించడానికి ఆయా జిల్లాల్లో 8 'కాలా' (కాంపిటెంట్ అథారిటీ ఫర్ ల్యాండ్ అక్విజేషన్)లను ఏర్పాటు చేసి అడిషనల్కలెక్టర్, ఆర్డీవోలను బాధ్యులుగా నియమించారు.

వీటిల్లో ఇప్పటికే ఏడు 'కాలా'లకు సంబంధించిన త్రీజీ రిలీజ్అయింది. భువనగిరి మున్సిపాలిటీ పరిధిలోని రాయగిరి రైతులు హైకోర్టును ఆశ్రయించడం వల్ల త్రీజీ రిలీజ్చేయలేదు. తాజాగా ఈ నెలలోనే హైకోర్టు కేసును కొట్టివేయడంతో నేషనల్హైవే అథారిటీ తాజాగా భువనగిరి త్రీజీని రిలీజ్చేసింది. భువనగిరి పరిధిలోని గౌస్ నగర్, కేసారం, ఎర్రంబెల్లి, తుక్కాపూర్, పెంచికల్ పహాడ్, రాయగిరిలో 15 కిలోమీటర్ల రోడ్డు నిర్మాణం చేయాల్సి ఉంది. ఇందుకోసం 328 సర్వే నంబర్లలోని 170.53 ఎకరాలను సేకరించాల్సి ఉంది. వీటికి సంబంధించిన వివరాలను 'భూమి రాశి' పోర్టల్లో వివరాలను నమోదు చేశారు.

25 నుంచి మీటింగ్లు.. డాక్యుమెంట్ సేకరణ..

త్రీజీ రిలీజ్చేయడంతో ఆయా సర్వే నంబర్లలోని రైతులు, ఖాళీ ప్లాట్ల ఓనర్లతో ఈనెల 25 నుంచి 30 వరకు భువనగిరి ఆర్డీవో అమరేందర్మీటింగ్లు నిర్వహించాల్సి ఉంది. అగ్రికల్చర్ల్యాండ్లేదా ఖాళీ ప్లాట్ కోల్పోయే వాటి విస్తీర్ణం వివరాలను ఆఫీసర్లకు అందించాలి. అదేవిధంగా వాటిలోని ఇండ్లు, బాయి, బోరు, చెట్లు, ఇతర నిర్మాణాలకు సంబంధించిన వివరాలను కూడా అందించాల్సి ఉంటుంది. అనంతరం వాటికి సంబంధించిన డాక్యుమెంట్లు, యజమాని ఆధార్, పాన్కార్డు, బ్యాంక్పాస్బుక్జిరాక్స్కాపీలు అందించాల్సి ఉంటుంది. ఈనెల 25న గౌస్నగర్, కేసారం, 26న ఎర్రంబెల్లి, 28న తుక్కాపూర్, 29న పెంచికల్ పహాడ్, 30న రాయగిరిలో మీటింగ్ నిర్వహించనున్నారు.

'దివీస్' కోసమే అలైన్మెంట్ మార్చినట్టుగా ఉంది..

'దివీస్' కంపెనీ కోసమే ట్రిపుల్ ఆర్ అలైన్మెంట్మార్చినట్టుగా ఉందని పలువురు రైతులు అన్నారు. చౌటుప్పల్ పరిధిలోని వలిగొండ మండలానికి చెందిన రైతులతో ఆర్డీవో శేఖర్రెడ్డి సోమవారం మీటింగ్ నిర్వహించారు. ట్రిపుల్ఆర్ నిర్మాణానికి రైతులు సహకరించాలని, వాటికి సంబంధించిన వివరాలను ఇవ్వాలని ఆర్డీవో కోరారు. ఇప్పటికే ల్యాండ్ రేట్లు పెంచామని, దాని ప్రకారం మీకు మూడు రెట్ల పరిహారం అందుతుందని తెలిపారు.

దీంతో పలువురు రైతులు మాట్లాడుతూ రూల్స్ప్రకారం ఔటర్రింగ్రోడ్డు నుంచి 40 కిలోమీటర్ల తర్వాత ట్రిపుల్ఆర్ఏర్పాటు చేయాల్సిఉండగా, దివీస్కంపెనీకు నష్టం జరగకుండా ఉండేందుకే 28 కిలోమీటర్లకు కుదించారని ఆరోపించారు. రిజిస్ట్రేషన్ రేట్ల ప్రకారం తాము భూములు ఇవ్వమని వారు స్పష్టం చేశారు. బహిరంగ మార్కెట్లో ఎకరానికి రూ.కోటి పలుకుతోందని, ఆ ప్రకారం 'అవార్డు' ప్రకటిస్తే భూములు ఇస్తామని తెలిపారు. లేకుంటే ఇవ్వమని తేల్చి చెప్పి, మీటింగ్ నుంచి బయటకు వెళ్లిపోయారు. అనంతరం మీటింగ్హాలు బయట ఆందోళన నిర్వహించారు.