గచ్చిబౌలి, వెలుగు : హైదరాబాద్ కొండాపూర్లోనిశరత్ సిటీ మాల్లోని రెస్టారెంట్లలో ఫుడ్సేఫ్టీ టాస్క్ఫోర్స్ అధికారులు తనిఖీలు చేశారు. చట్నీస్ రెస్టారెంట్, అల్పాహార్ టిఫిన్స్లో సోదాలు నిర్వహించారు. చట్నీస్ రెస్టారెంట్లోని ఫుడ్ స్టొరేజీ ఏరియాల్లో, కిచెన్లో బొద్దింకలను గుర్తించారు. పురుగులు పట్టిన గోధుమ పిండి, రవ్వను, కుళ్లిపోయిన ఉల్లిగడ్డలు, క్యాబేజీని వంటల్లో వాడుతున్నట్లు నిర్ధారించారు.
అదే విధంగా అల్పాహార్ టిఫిన్స్లో డస్ట్ బిన్లు ఓపెన్ చేసి ఉండడం, వంట పాత్రలపై మూతలు పెట్టడం లేదని గుర్తించారు. ఫుడ్పై మూతలు లేకుండానే ఫ్రిజ్లో స్టోర్ చేసినట్లు నిర్ధారించారు. అయితే, రెస్టారెంట్లపై తీసుకున్న చర్యల గురించి అధికారులు వెల్లడించలేదు.
