- మంత్రి పొంగులేటికి విఠల్రెడ్డి వినతి
భైంసా, వెలుగు: ముథోల్ నియోజకవర్గంలో డబుల్బెడ్రూం ఇండ్లకు సంబంధించి హౌసింగ్పెండింగ్ బిల్లులను వెంటనే విడుదల చేయాలని మాజీ ఎమ్మెల్యే విఠల్ రెడ్డి ప్రభుత్వాన్ని కోరారు. బుధవారం హైదరాబాద్లో ఆ శాఖ మంత్రి పొంగులేటి శ్రీనివాస్రెడ్డిని కలిసి వినతిపత్రం అందజేశారు. భైంసాలో 660 డబుల్ బెడ్రూం ఇండ్ల నిర్మాణం పూర్తయినప్పటికీ ఫ్లోరింగ్, నీటి సరఫరా, విద్యుత్ సరఫరా, ఇతర పనులు పూర్తి కాలేదన్నారు.
ఆ పనుల కోసం నిధులు మంజూరు చేయాలని కోరారు. అలాగే కొన్ని గ్రామాల్లో నిర్మించిన డబుల్బెడ్రూం ఇండ్లు తుది దశలో ఉన్నాయని, వాటి పెండింగ్బిల్లులు ఇవ్వాలని కోరారు. ఇందిరమ్మ ఇండ్లను త్వరగా అందించేందుకు చర్యలు తీసుకోవాలన్నారు. భైంసాలో లక్కీ డ్రాలో ఎంపికైన లబ్ధిదారులను ఇండ్లలోకి వెళ్లేందుకు అనుమతి ఇవ్వాలన్నారు. ఇందుకు మంత్రి సానుకూలంగా స్పందించినట్లు విఠల్రెడ్డి తెలిపారు.
