బెల్లంపల్లి, వెలుగు: బెల్లంపల్లి నియోజకవర్గ ప్రజల కోసమే పనిచేస్తున్నట్లు మాజీ మంత్రి, కాంగ్రెస్ సీనియర్ నేత గడ్డం వినోద్ తెలిపారు. శుక్రవారం మంచిర్యాల జిల్లా బెల్లంపల్లిలోని పార్టీ ఆఫీసులో ఏడు మండలాల, బెల్లంపల్లి టౌన్ నూతన అధ్యక్షుల ప్రమాణస్వీకారం జరగగా, వినోద్ పాల్గొని మాట్లాడారు. జర్నలిస్టులకు ఇండ్లతోపాటు ప్రత్యేక అలవెన్స్ లు ఇప్పించేందుకు కృషి చేస్తానన్నారు.
పీసీసీ చీఫ్ రేవంత్ రెడ్డి ఆదేశాలతో వైస్ ప్రెసిడెంట్ డాక్టర్ మల్లు రవి నియోజకవర్గంలోని మండలాలకు అధ్యక్షులను నియమించారని చెప్పారు. హైకమాండ్ఇచ్చిన నియామక లెటర్లు చెల్లవని కొంతమంది చేస్తున్న దుష్ప్రచారాన్ని నమ్మొద్దన్నారు. బెల్లంపల్లిలో కాంగ్రెస్ గెలిస్తేనే డెవలప్ మెంట్ జరుగుతుందన్నారు. కార్యక్రమంలో మత్తమారి సూరిబాబు, దేవసాని ఆనంద్, అంకం రవి, బండి రాములు, నాయకులు పాల్గొన్నారు.
