భద్రాచలం, వెలుగు : రెండు ఆటోల్లో తరలిస్తున్న గంజాయిని భద్రాచలంలోని కూనవరం రోడ్డులో ఆర్టీఏ చెక్ పోస్టు సమీపంలో ఆబ్కారీ పోలీసులు బుధవారం పట్టుకున్నారు. జిల్లా అసిస్టెంట్ ఎక్సైజ్ సూపరింటెండెంట్కరంచంద్ తెలిపిన వివరాల ప్రకారం.. ఒడిశాలోని కలిమెల ప్రాంతంలో ఓ వ్యక్తి వద్ద గంజాయిని కొనుగోలు చేసి భద్రాచలం మీదుగా హైదరాబాద్కు ఆటోల్లో తరలిస్తున్నట్లు పక్కా ఇన్ఫర్మేషన్తో జిల్లా టాస్క్ ఫోర్స్ టీం తనిఖీలు చేపట్టింది.
అనుమానాస్పదంగా వస్తున్న రెండు ఆటోలను ఆర్టీఏ చెక్పోస్టు సమీపంలో ఆపి తనిఖీ చేయగా రూ.34 లక్షల విలువైన 118 కిలోల ఎండు గంజాయి పట్టుబడింది. ఆటోల్లోని ముగ్గురు వ్యక్తుల్లో ఒకరు పారిపోగా, ఇద్దరిని అరెస్ట్ చేశారు. అరెస్ట్ అయిన వారిలో ఒక బాలుడు ఉన్నాడు. ఈ తనిఖీల్లో ఎస్సై గౌతమ్, సిబ్బంది రామకృష్ణ గౌడ్, హబీబ్, పాషా, వెంకటనారాయణ, గురవయ్య, సుమంత్, శ్రావణి, రమేశ్తదితరులు పాల్గొన్నారు.
