కారేపల్లి, వెలుగు: మండలంలోని ఆల్యాతండాలో ట్రైనీ ఐఏఎస్ ల బృందం మంగళవారం పర్యటించింది. ట్రైనీ ఐఏఎస్ బృందం సభ్యులు అల్తమాష్ గాజీ, వైభవ్ మీనా, తేజస్విని, అనితా మీనా, విపులా సింఘాల్ గ్రామంలోని అంగన్వాడీ కేంద్రాన్ని సందర్శించారు. మహిళా సంఘాలకు మంజూరు చేసిన రుణాలను వారు సద్వినియోగం చేసుకుంటున్న తీరు గురించి సంఘం సభ్యులను అడిగి తెలుసుకున్నారు. గిరిజన సంప్రదాయాలు, గిరిజన గ్రామాల సమస్యలపై అధ్యయనం చేశారు.
