అంబర్ పేట్ లోని మహంకాళి అమ్మవారి ఆలయంలో బోనాల ఉత్సవాలు ఘనంగా కొనసాగుతున్నాయి. ఉదయం నుంచి భక్తులు అమ్మవారికి బోనాలు, చీర సారెలను సమర్పిస్తున్నారు. ఉదయం కేంద్రమంత్రి కిషన్ రెడ్డి అమ్మవారికి పట్టు వస్త్రాలను సమర్పించారు.
ఈ సందర్భంగా మాట్లాడిన కేంద్ర మంత్రి కిషన్ రెడ్డి.. హైదరాబాద్ సంస్కృతిలో గత వంద సంవత్సరాలుగా బోనాల ఉత్సవాలు ఒక సాంప్రదాయంగా జరుగుతున్నాయనన్నారు. దేశంలో ఎక్కడా లేనివిధంగా కేవలం తెలంగాణలోనే ఈ పండుగను ఘనంగా నిర్వహించుకుంటామని చెప్పారు. మొత్తం హైదరాబాద్ కు తలమానికంగా ఈ బోనాల ఉత్సవాలు నిలుస్తాయన్నారు. అమ్మవారి ఆశీస్సులతో ప్రతి ఒక్కరు ఆయురారోగ్య అష్టఐశ్వర్యాలతో తులతూగాలని అమ్మవారిని వేడుకున్నట్లు తెలిపారు...
