హైదరాబాద్: కర్నాటక రాజధాని బెంగుళూరులో హైడ్రా బృందం పర్యటించనుంది. మొత్తం రెండు రోజుల పాటు బెంగుళూరులో హైడ్రా పర్యటన కొనసాగనుంది. హైడ్రా కమిషనర్ రంగనాథ్తో పాటు పర్యావరణ పరిరక్షణ, స్వచ్ఛంద సంస్థల ప్రతినిధుల బెంగుళూరులో పర్యటించనున్నారు. ఈ పర్యటన సందర్భంగా కర్ణాటక ప్రభుత్వంతో పాటు సీఎస్ఆర్ కింద కొన్ని కంపనీలు అభివృద్ధి చేసిన చెరువులను హైడ్రా బృందం స్టడీ చేయనుంది.
కర్ణాటక ప్రభుత్వం తక్కువ ఖర్చుతో బెంగుళూరులో 35 చెరువులను అభివృద్ధి చేసిన విధానాన్ని హైడ్రా తెలుసుకోనుంది. అక్కడి ప్రభుత్వం చెరువుల పరిరక్షణకు, తీసుకుంటున్న చర్యలపై క్షేత్రస్థాయిలో హైడ్రా టీమ్ పరిశీలించనుంది. పర్యటన ముగించుకొని వచ్చిన తర్వాత సిటీలో మొదటి దశలో నాలుగు చెరువుల ప్రక్షాళనపై హైడ్రా ఫోకస్ పెట్టనుంది. బాచుపల్లి ఎర్రగుంట చెరువు, మాదాపూర్ సున్నం చెరువు, కూకట్ పల్లి నల్ల చెరువు, రాజేంద్రనగర్ అప్పా చెరువులకు హైడ్రా పునరుజ్జీవం తీసుకురానుంది.
