వేములవాడ, వెలుగు : వేములవాడ మున్సిపల్పరిధిలోని 6వ వార్డులో సోమవారం నిర్వహించనున్న సద్దుల బతుకమ్మకు మున్సిపల్ సిబ్బంది లైట్లు అమర్చలేదనే కోపంతో వార్డుకి వచ్చిన ఇద్దరు మున్సిపల్ సిబ్బందిని ఆదివారం స్థానికుల గదిలో నిర్బంధించారు. బతుకమ్మ వేడుకల సందర్భంగా సాలరామన్నపల్లిలో లైట్స్ ఎందుకు ఏర్పాటు చేయలేదని వార్డు ప్రజలు సిబ్బందిని ప్రశ్నించారు. దీనికి వారు ఒకింత నిర్లక్ష్యంగా సమాధానం చెప్పడంతో ఓ రూమ్ లో బంధించారు.
తర్వాత అధికారులకు విషయం చెప్పినా స్పందించకపోవడంతో కొద్దిసేపటికి వదిలేశారు. పెద్ద పండుగైన బతుకమ్మకు లైట్స్ఏర్పాటు చేయకపోవడం ఏమిటని, వెంటనే ఆ పని చేయాలని డిమాండ్ చేశారు.
