ఛాంపియన్స్ ట్రోఫీ తొమ్మిదో ఎడిషన్ ఫిబ్రవరి 19 నుండి మార్చి 9 వరకు జరుగుతుంది. పాకిస్తాన్‌లోని లాహోర్, కరాచీ, రావల్పిండి ఎనిమిది జట్లు ఆడే ఈ టోర్నమెంట్‌లో మొత్తం 10 మ్యాచ్‌లకు ఆతిథ్యం ఇవ్వనున్నాయి. భారత జట్టు పాల్గొనే మ్యాచ్‌లు దుబాయ్ అంతర్జాతీయ క్రికెట్ స్టేడియంలో జరుగుతాయి. ఈ మెగా టోర్నీ కోసం పాకిస్థాన్, భారత్ జట్లు తప్ప మిగిలిన దేశాలు తన స్క్వాడ్ లను ప్రకటించాయి. ఛాంపియన్స్ ట్రోఫీ కోసం ప్రకటించే భారత జట్టుపై ఒక క్లారిటీ వచ్చేసింది.
టోర్నమెంట్ కోసం 15 మంది సభ్యులతో కూడిన భారత జట్టును జనవరి 12 న మొదట ప్రకటించాలని కోరినా అది సాధ్యపడలేదు. జట్టును ప్రకటించడానికి మరింకొంత సమయం కావాలని బీసీసీఐ ఐసీసీ ని కోరింది. తాజా సమాచారం ప్రకారం బీసీసీఐ సెలక్షన్ కమిటీ విజయ్ హజారే ట్రోఫీ ముగిసిన తర్వాత జట్టును ప్రకటించాలని భావిస్తున్నారట. శనివారం (జనవరి 18) విజయ్ హజారే ట్రోఫీ ముగుస్తుంది. ఆదివారం (జనవరి 19) భారత స్క్వాడ్ ను ప్రకటించే అవకాశం ఉంది.
ఛాంపియన్స్ ట్రోఫీలో భారత్ కు రోహిత్ శర్మ కెప్టెన్సీ చేయనున్నాడు. గ్రూప్ ఏ లో భారత్ ఫిబ్రవరి 23న పాకిస్థాన్ తో మ్యాచ్ ఆడనుంది. భారత్, పాకిస్థాన్‌తో పాటు బంగ్లాదేశ్, న్యూజిలాండ్ జట్లు ఒకే గ్రూప్‌లో ఉన్నట్లు పేర్కొంది. ఫిబ్రవరి 20న బంగ్లాదేశ్‌తో జరగబోయే మ్యాచ్ తో భారత్ టోర్నీ ప్రారంభించనుంది. మార్చి 2న న్యూజిలాండ్‌తో టీమిండియా తలపడనుంది. ఈ మ్యాచ్‌లన్నీ దుబాయ్ వేదికగానే జరిగే అవకాశం ఉంది. ఒకవేళ టీమిండియా నాకౌట్‌ దశకు అర్హత సాధిస్తే.. యూఏఈలోనే సెమీఫైనల్‌, ఫైనల్‌ మ్యాచ్‌లు జరగనున్నాయి.
ఛాంపియన్స్ ట్రోఫీ 2025కి భారత జట్టు (అంచనా):
రోహిత్ శర్మ (కెప్టెన్), శుభమన్ గిల్, యశస్వి జైస్వాల్, విరాట్ కోహ్లీ, శ్రేయాస్ అయ్యర్, కెఎల్ రాహుల్ (వికెట్ కీపర్), రిషబ్ పంత్ (వికెట్ కీపర్), హార్దిక్ పాండ్యా, రవీంద్ర జడేజా, అక్సర్ పటేల్, కుల్దీప్ పటేల్ , జస్ప్రీత్ బుమ్రా, మహ్మద్ సిరాజ్, అర్ష్‌దీప్ సింగ్, మహ్మద్ షమీ
