న్యూఢిల్లీ: స్విస్ బ్యాంకులలో మూలుగుతున్న మన వాళ్ల బ్లాక్మనీ వివరాలు తెలుసుకోవడానికి కొత్త అడ్డంకులు ఏర్పడుతున్నాయి. మన దేశంలో బ్లాక్ మనీని అడ్డుకోవడానికి కేంద్ర ప్రభుత్వం తెచ్చిన ప్రత్యేక చట్టంలోని కఠినమైన సెక్షన్లపై స్విస్ కోర్టుల్లో పిటిషన్లు దాఖలవుతున్నాయి. తమ సమాచారాన్ని ఇండియాకు ఇవ్వకూడదన్న రిక్వెస్టులపై అక్కడి కోర్టులు ఈ ఏడాదే విచారణ జరపబోతున్నాయి. ఫారిన్లో రసహ్యంగా బ్యాంకు ఖాతాలు, ఆస్తులు ఉన్న ఇండియన్లపై ప్రభుత్వ ఏజెన్సీలు చట్టపరమైన చర్యలు తీసుకునేందుకు ఈ చట్టం అనుమతిస్తుంది. చాలా మంది భారతీయ సంపన్నులకు స్విస్ బ్యాంకుల్లో ఖాతాలు, విదేశాల్లో ఆస్తులు ఉన్నాయి. ఇండియా తెచ్చిన చట్టం వల్ల పెద్దగా ఉపయోగం ఉండదని ఎక్స్పర్టులు చెబుతున్నారు. ‘‘స్విస్ బ్యాంకులు అందజేసిన సమాచారం ఆధారంగా ఇండియా ఆఫీసర్లు ఖాతాదారులపై క్రిమినల్ చర్యలు తీసుకోవడం వీలు కాదు. పన్నుల వసూలు కోసం మాత్రమే స్విక్ బ్యాంకులు ఇండియాకు ఖాతాల సమాచారం ఇచ్చాయి. పాత లావాదేవీలపైనా ప్రస్తుత రూల్స్ ప్రకారం చర్యలు తీసుకునేందుకు చట్టం వీలు కల్పిస్తున్నది. ఇది సరైన విధానం కాదు ”అని ఎక్స్పర్టులు వాదిస్తున్నారు. బ్లాక్ మనీ చట్టం స్విస్ న్యాయ విధానానికి, విలువలకు వ్యతిరేకమని లాయర్లు అంటున్నారు. అప్పీలుదారులు ఇండియా ఐటీ డిపార్ట్‌‌‌‌మెంట్ నుండి స్విట్జర్లాండ్‌‌కి వచ్చిన 'ఇన్ఫర్మేషన్ రిక్వెస్ట్'లో బ్లాక్ మనీ యాక్ట్ ప్రస్తావన ఉన్న విషయాన్ని ఎత్తిచూపుతున్నారు. ఖాతాదారులను ఎన్ఫోర్స్మెంట్ డైరెక్టరేట్ (ఈడీ) ప్రాసిక్యూట్ చేయగలదని అందులో స్పష్టంగా పేర్కొన్నారని చెబుతున్నారు. ఈ మేరకు అందిన నోటీసుల గురించి ఫిర్యాదు చేశారు. మనీలాండరింగ్‌‌కు సంబంధించి తన దగ్గరున్న అన్ని వివరాలను ఐటీ విభాగం ఈడీకి అందజేస్తుంది.
స్విస్ సుప్రీంకోర్టు ఏమన్నదంటే...
‘‘రెండు దేశాల మధ్య ఒప్పందం మేరకు.. స్విస్ బ్యాంకులు ఇండియాకు అకౌంట్ల సమాచారాన్ని ఇచ్చాయి. దీని ప్రకారం ఇలాంటి వివరాలను పన్ను అవసరాల కోసం మాత్రమే వాడాలి”అని స్విస్ సుప్రీంకోర్టు పోయిన ఏడాది తీర్పు చెప్పింది. ఇండియా– స్విస్ పన్ను ఒప్పందం ప్రకారం 'సమాచార మార్పిడి' రూల్స్ 2011 నుంచి మళ్లీ అమలవుతున్నాయి. అయితే బ్లాక్మనీ (వెల్లడించని విదేశీ ఆదాయం, ఆస్తులు) చట్టం 2015లో అమల్లోకి వచ్చింది.‘‘స్విస్కోర్టుల్లో ఇబ్బందులు ఉంటాయని చెప్పడానికి రెండు కారణాలు ఉన్నాయి. ఈ చట్టంలోని క్రిమినల్ పన్ను నిబంధనలు ఆదాయపు పన్ను చట్టంలోని సెక్షన్లకు అనువుగా లేవు. ఐటీ చట్టం ప్రకారం స్విస్తో పన్ను ఒప్పందం కుదుర్చుకున్నారు. రెండవది, మనదేశ ట్యాక్స్ ఆఫీసర్లు పన్ను ఒప్పందం కింద అందుకున్న సమాచారాన్ని బట్టి 2015 ముందు లావాదేవీలపై క్రిమినల్ చర్యలు తీసుకోవడానికి అవకాశం ఉంది ”అని ఏజెడ్బీ అండ్ పార్ట్నర్స్ అనే లా ఫర్మ్ పార్ట్నర్ ఆయుష్ టాండన్ అన్నారు. ఇండియా ఐటీ చట్టం ప్రకారం 11 ఏళ్ల క్రితం నాటి ట్రాన్సాక్షన్లపైనా పన్ను వసూలు చేయవచ్చు. అంతేకాదు సంబంధిత ఆస్తులు ఎలా వచ్చాయో అడిగే అధికారం బ్లాక్మనీ చట్టం ప్రకారం ఆఫీసర్లకు ఉంటుంది. అప్పుడు సంపాదించిన ఆదాయానికి సంబంధించిన లెక్కలూ అడుగుతారు. ఆనాటి ఆదాయాన్ని లెక్కల్లో చూపలేదు కాబట్టి బ్లాక్మనీ చట్టం సెక్షన్ 11 ప్రకారం పన్ను ఎగవేతగానూ చూసే అవకాశం ఉంది. "దేశాల మధ్య సమాచారాన్ని పంచుకునే విధానంలో రెండు ముఖ్యమైన రూల్స్ ఏమిటంటే, అటువంటి భాగస్వామ్యం దేశ (స్విస్) చట్టాలకు విరుద్ధంగా సమాచారం తీసుకునే దేశాల్లో చట్టం ఉండకూడదు. అలాంటి దేశాలు తమ స్థానిక చట్టాలకు భిన్నంగా ఉండే చర్యలను చేపడితే ఊరుకోవు. పాత తేదీల్లో జరిగిన ట్రాన్సాక్షన్లపై క్రిమినల్చర్యలు తీసుకోవడం స్విస్ చట్టాల ప్రకారం కుదరదు. ఇండియా అలా చేస్తే స్విస్ పబ్లిక్ పాలసీకి వ్యతిరేకంగా వ్యవహరించినట్టు అవుతుంది ” ఖైతాన్ & కో పార్ట్నర్ ఆశిష్ మెహతా అన్నారు. ఇండియా ఆఫీసర్లు స్విట్జర్లాండ్కు ఇన్ఫర్మేషన్కోసం పంపిన రిక్వెస్టుల్లో బ్లాక్మనీ చట్టం గురించి తెలియజేశారు. ఇప్పుడు స్విస్ కోర్టులు ఎలా రెస్పాండ్ అవుతాయనేదానిపై ఆసక్తి నెలకొంది.
