- ఏర్పాట్లు పరిశీలించిన కలెక్టర్
కౌడిపల్లి, వెలుగు: మండలంలోని తునికిలోని కృషి విజ్ఞాన కేంద్రానికి (కేవీకే) ఈ నెల 25న ఉపరాష్ట్రపతి జగదీశ్ధన్ఖడ్, రాష్ట్ర గవర్నర్ జిష్ణుదేవ్వర్మ రానున్నారు. గ్రామీణ వికాస్ ఫౌండేషన్ ఏకలవ్య కృషి విజ్ఞన కేంద్రం రైతులకు అందిస్తున్న సేవలను వారు పరిశీలిస్తారు.
ఈ నేపథ్యంలో శనివారం కలెక్టర్ రాహుల్ రాజ్ కేవీకేలో ఏర్పాట్లను పరిశీలించారు. సేంద్రియ విధానం ద్వారా సాగు చేస్తున్న పంటలు వివరాలు, రైతులతో ముఖాముఖికి ఎలాంటి ఏర్పాటు చేస్తున్నారని నిర్వాహకులను అడిగి తెలుసుకున్నారు. ఈ సందర్భంగా అడిషనల్ కలెక్టర్ నగేశ్, కేవీకే సైంటిస్టులు ఉన్నారు.
