ఫుట్వేర్ రంగంలో కెరీర్ ప్రారంభించాలనుకుంటున్న యువతకు ఫుట్వేర్ డిజైనింగ్, ప్రొడక్షన్, లెదర్ గూడ్స్, యాక్ససరీస్, ఫ్యాషన్ డిజైనింగ్‌‌లో యూజీ, పీజీ కోర్సుల్లో అడ్మిషన్స్కు ఇటీవల నోటిఫికేషన్ విడుదల చేసింది. ఇంటర్, డిగ్రీ కంప్లీట్ చేసిన స్టూడెంట్స్ ఈ కోర్సుల్లో చేరేందుకు అర్హులు. దేశవ్యాప్తంగా ఫుట్వేర్, లెదర్ డిజైన్ కోర్సులు అందించే క్యాంపస్‌‌లు 12 మాత్రమే ఉండగా హైదరాబాద్‌‌లో కూడా ఎఫ్డీడీఐ క్యాంపస్ ఉంది.
ఎఫ్డీడీఐ హైదరాబాద్
హైదరాబాద్‌‌లో ఎఫ్డీడీఐ క్యాంపస్‌‌ను 2017లో ఏర్పాటు చేశారు. గచ్చిబౌలి ప్రాంతంలోని రాయదుర్గం చెరువు సమీపంలో క్యాంపస్ ఉంది. ఇక్కడ ఫుట్వేర్, లెదర్ గూడ్స్, యాక్సెసరీస్, ఫ్యాషన్ డిజైనింగ్‌‌లో డిగ్రీ, పీజీ కోర్సులు అందుబాటులో ఉన్నాయి. వివిధ రాష్ట్రాల నుంచి వచ్చే స్టూడెంట్స్ కోసం హాస్టల్ ఫెసిలిటీ ఉంది. లేటెస్ట్ టెక్నాలజీ ఉన్న మిషన్స్‌‌తో స్టూడెంట్స్‌‌కు ట్రైనింగ్ ఇస్తున్నారు. యూజీ కోర్సులు (బీడీఈఎస్‌) ఫుట్వేర్ డిజైన్ అండ్ ప్రొడక్షన్లో 75 సీట్లు, ఫ్యాషన్ డిజైనింగ్‌‌లో 75 సీట్లు, లెదర్ గూడ్స్ అండ్ యాక్సెసరీస్ డిజైన్‌‌లో 75 సీట్లు, రిటైల్ ఫ్యాషన్ మర్చండైజ్(బీబీఏ) లో 60 సీట్లు అందుబాటులో ఉన్నాయి. పీజీ విభాగంలో రిటైల్ ఫ్యాషన్ మర్చండైజ్ (ఎంబీఏ)లో 60 సీట్లు ఉన్నాయి. ఎఫ్‌‌డీడీఐలో యూజీ విభాగంలో మూడు కోర్సులు, పీజీ విభాగంలో రెండు కోర్సులు అందుబాటులో ఉన్నాయి. . హైదరాబాద్‌‌తో పాటు చెన్నై, ముంబయి పుట్వేర్ ఇండస్ట్రీల్లో ఇంటర్న్‌‌షిప్ క్లాసులుంటాయి.
డిస్టెన్స్లో చదివినా అర్హులే..
ఫుట్వేర్ డిజైన్, లెదర్ గూడ్స్ యాక్సెసరీస్‌‌లో అడ్మిషన్ పొందాలంటే ఎఫ్డీడీఐ దేశ వ్యాప్తంగా నిర్వహిస్తున్న కామన్ ఎంట్రన్స్ టెస్ట్ రాయాలి. ఇందులో డిగ్రీ కోర్సులకు ఇంటర్, పీజీ కోర్సులకు డిగ్రీ చదివినవారు అర్హులు. 25 ఏళ్లలోపు వయసున్న ఆర్ట్స్, సైన్స్, మ్యాథ్స్ స్టూడెంట్స్ ఎవరైనా ఎంట్రెన్స్ టెస్ట్ రాయొచ్చు. డిస్టెన్స్ ఎడ్యుకేషన్‌‌లో ఇంటర్, డిగ్రీ చదివినవారు సైతం దరఖాస్తు చేసుకోవచ్చు.
12 క్యాంపస్లలో... 2, 970 సీట్లు
దేశ వ్యాప్తంగా ఉన్న 12 క్యాంపస్లలో యూజీ, పీజీల్లో కలిపి 2,970 సీట్లు ఉన్నాయి. వీటితోపాటు మరో 288 ఎన్‌‌ఆర్‌‌ఐ, ఇండస్ట్రీ స్పాన్సర్డ్‌ సీట్లు అందుబాటులో ఉన్నాయి. బ్యాచిలర్ ఆఫ్ డిజైన్ ఇన్ ఫుట్వేర్ డిజైన్ అండ్ ప్రొడక్షన్లో 905 సీట్లు, లెదర్ గూడ్స్ అండ్ యాక్సెసరీస్ డిజైన్385 సీట్లు, ఫ్యాషన్ డిజైన్ 930 సీట్లు, బీబీఏ రిటైల్ అండ్ ఫ్యాషన్ మర్చెండైజ్‌300 సీట్లు ఉన్నాయి. మాస్టర్ ఆఫ్ డిజైన్ ఫుట్వేర్ డిజైన్ అండ్ ప్రొడక్షన్ 150 సీట్లు అందుబాటులో ఉన్నాయి. ఎంబీఏ (రిటైల్ అండ్ ఫ్యాషన్ మర్చండైజ్)లో 300 సీట్లు ఉన్నాయి. ఎంబీఏ చేయాలనుకునేవారు మ్యాట్ స్కోరుతో దరఖాస్తు చేసుకోవచ్చు. హైదరాబాద్‌‌లో ఎంబీఏకు 60 సీట్లు అందుబాటులో ఉన్నాయి.
జాబ్ అపర్చునిటీస్
ఇతర రంగాలతో పోలిస్తే ప్రస్తుతం ఫ్యాషన్, ఫుట్వేర్ రంగాల్లో ఉద్యోగావకాశాలు పెరుగుతున్నాయి. ముఖ్యంగా ఫుట్వేర్, లెదర్ గూడ్స్ రంగాల్లో ప్రైవేటు యూనివర్సిటీల్లో కోర్సులు అందుబాటులో లేవు. కేంద్ర మంత్రిత్వ శాఖ ఆధ్వర్యంలో దేశ వ్యా ప్తంగా 12 క్యాంపస్‌‌లు మాత్రమే ఈ కోర్సులను అందించడంతో ఇందులో కోర్సులు పూర్తి చేసినవారికి డిమాండ్ అధికంగా ఉంది. రిలయన్స్, లాండ్ మార్క్ గ్రూప్, అపెరల్ గ్రూప్ (కువైట్‌), పూమా, జారా, జొమాటో, బిర్లా, ఆదిత్య, సవ్యసాచి, హైడ్సన్ గ్రూప్, టాటా ఇంటర్నేషనల్ వంటి పెద్ద కంపెనీలు క్యాంపస్ సెలక్షన్స్‌ నిర్వహించి ప్లేస్‌‌మెంట్స్ అందిస్తున్నాయి. బీబీఏ, ఎంబీఏ కోర్సు చదివినవారికి ఏరియా మేనేజర్‌, ఫ్లోర్‌ మేనేజర్‌, స్టోర్‌ మేనేజర్‌, మేనేజ్మెంట్ ట్రెయినీ పోస్టులున్నాయి. ఫ్రెషర్స్‌‌కు ప్రారంభంలోనే ఏడాదికి రూ. 4.5లక్షల వేతనం అందుతోంది.
సెలెక్షన్ ప్రాసెస్: ప్రవేశ ప‌‌రీక్ష (ఆల్‌ ఇండియా సెలక్షన్‌ టెస్ట్ - ఏఐఎస్‌‌టీ) ఆధారంగా ఎంపిక చేస్తారు.
ద‌‌ర‌‌ఖాస్తులు: ఆన్‌‌లైన్ ద్వారా అభ్యర్థులు అప్లై చేసుకోవాలి.
చివ‌‌రి తేది: 28 ఏప్రిల్
హాల్ టికెట్ డౌన్‌‌లోడ్ తేదీ: 6 జూన్
ప్రవేశ ప‌‌రీక్ష(ఏఐఎస్‌‌టీ 2022): 19 జూన్
వెబ్సైట్: www.fddiindia.com
బ్యాచిలర్ డిగ్రీ కోర్సులు (బీ.డిజైన్/ బీబీఏ)
విభాగాలు: ఫుట్వేర్ డిజైన్ అండ్ ప్రొడక్షన్, రిటైల్ అండ్ ఫ్యాషన్ మర్కండైజ్
అర్హత: ఇంట‌‌ర్మీడియ‌‌ట్ఉత్తీర్ణత. ప్రస్తుత విద్యాసంవ‌‌త్సరంలో ఇంట‌‌ర్మీడియ‌‌ట్ రెండో ఏడాది ప‌‌రీక్షల‌‌కు హాజ‌‌ర‌‌వుతున్న విద్యార్థులు దరఖాస్తు చేసుకోవచ్చు. ఇంగ్లిష్‌‌లో మంచి క‌‌మ్యూనికేష‌‌న్ స్కిల్స్ ఉండాలి. వయసు 25 ఏండ్లకు మించకూడదు.
ఎగ్జామ్ ప్యాటర్న్
ఈ ప‌‌రీక్షను పేప‌‌ర్ బేస్డ్ ప‌‌ద్ధతిలో నిర్వహిస్తారు. ఇది ఇంగ్లిష్ మీడియంలో మాత్రమే ఉంటుంది. దీన్ని 200 మార్కుల‌‌కు నిర్వహిస్తారు, 150 ప్రశ్నలు ఉంటాయి.
సబ్జెక్ట్ ప్రశ్నలు మార్క్స్
క్వాంటిటేటివ్ ఆప్టిట్యూడ్ 25 25
వెర్బల్ ఎబిలిటీ 40 40
జనరల్ అవేర్‌‌‌‌నెస్ 35 35
బిజినెస్ ఆప్టిట్యూడ్ 25 50
డిజైన్ ఆప్టిట్యూడ్ 25 50
మొత్తం 150 200
మాస్టర్స్ డిగ్రీ (ఎం.డిజైన్/ ఎంబీఏ)
విభాగాలు: మాస్టర్ ఆఫ్ డిజైన్ (ఫుడ్ వేర్ డిజైన్ అండ్ ప్రొడక్షన్), మాస్టర్ ఆఫ్ బిజినెస్ అడ్మినిస్ట్రేష‌‌న్(ఎంబీఏ-రిటైల్ అండ్ ఫ్యాషన్ మర్కండైజ్)
అర్హత: పుట్వేర్/ లెదర్ గూడ్స్/ డిజైన్/ ఫ్యా ష‌‌న్/ ఫైన్ ఆర్ట్స్/ ఆర్కిటెక్చర్‌/ ఇంజినీరింగ్‌/ ప్రొడక్షన్లో బ్యాచిల‌‌ర్స్ డిగ్రీ ఉత్తీర్ణత.ఇంగ్లిష్‌‌లో మంచి క‌‌మ్యూనికేష‌‌న్ స్కిల్స్ ఉండాలి.
ఎగ్జామ్ ప్యాటర్న్:
మాస్టర్స్ ప్రోగ్రాముకి సంబంధించి 175 ప్రశ్నలు, 200 మార్కుల‌‌కు ఈ ప‌‌రీక్ష ఉంటుంది.
సబ్జెక్ట్ ప్రశ్నలు మార్క్స్
క్వాంటిటేటివ్ ఆప్టిట్యూడ్ 25 50
ఇంగ్లిష్,ఎనలటికల్ ఎబిలిటీ 50 50
జీకే & కరెంట్ ఎఫైర్స్ 50 50
మేనేజ్మెంట్ ఆప్టిట్యూడ్ 50 50
మొత్తం 175 200
