- కామారెడ్డి కలెక్టర్ ఆశిష్ సంగ్వాన్
కామారెడ్డి, వెలుగు : తెల్ల రేషన్ కార్డు లబ్ధిదారులకు క్వాలిటీ సన్న బియ్యం అందిస్తున్నామని కలెక్టర్ ఆశిష్ సంగ్వాన్ పేర్కొన్నారు. గురువారం రామారెడ్డి మండల కేంద్రంలో రేషన్ షాపులో సన్న బియ్యం పంపిణీని పరిశీలించారు. బియ్యం క్వాలిటీని చూసి లబ్ధిదారులతో మాట్లాడారు. జిల్లాలో ఇప్పటి వరకు 47 శాతం బియ్యం పంపిణీ కంప్లీట్ అయ్యిందన్నారు.
బియ్యం క్వాలిటీతో పాటు, తూకం పరిశీలించాలని అధికారులకు సూచించారు. మండల స్పెషల్ ఆఫీసర్ విజయ్కుమార్, డీసీవో మల్లికార్జునబాబు, డీపీవో మురళీ, తహసీల్దార్ ఉమాలత, ఎంపీడీవో తిరుపతి ఉన్నారు.
ఇందిరమ్మ ఇండ్ల నిర్మాణం స్పీడప్ చేయాలి ..
ఇందిరమ్మ ఇండ్ల నిర్మాణం స్పీడప్ చేయాలని కలెక్టర్ ఆశిష్ సంగ్వాన్ అధికారులకు సూచించారు. రామారెడ్డి మండల కేంద్రంలో మాడల్ ఇందిరమ్మ ఇంటిని పరిశీలించిన అనంతరం కన్నాపూర్ తండాలో ఇందిరమ్మ ఇంటి నిర్మాణానికి ముగ్గుపోసి మార్కవుట్ ఇచ్చారు. లబ్ధిదారులు వెంటనే ఇండ్ల నిర్మాణం షూరు చేసేలా క్షేత్ర స్థాయిలో అధికారులు పరిశీలన చేయాలన్నారు. హౌజింగ్ పీడీ విజయపాల్రెడ్డి, డీఎల్పీవో శ్రీనివాస్ తదితరులు ఉన్నారు.
