- కామారెడ్డి కలెక్టర్ ఆశిష్ సంగ్వాన్
కామారెడ్డిటౌన్, వెలుగు: ప్రజావాణిలో వచ్చే సమస్యల్ని వెంటనే పరిష్కరించాలని కామారెడ్డి కలెక్టర్ ఆశిష్ సంగ్వాన్ అన్నారు. కలెక్టరేట్‌‌‌‌లో సోమవారం నిర్వహించిన ప్రజావాణిలో 96 ఫిర్యాదులు వచ్చాయన్నారు. కలెక్టర్ఆశిష్ సంగ్వాన్, అడిషనల్ కలెక్టర్లు వి.విక్టర్, శ్రీనివాస్రెడ్డి ప్రజల నుంచి ఫిర్యాదులు స్వీకరించారు. ఫిర్యాదుదారులతో మాట్లాడి వివరాలు తెలుసుకున్నారు. ప్రజావాణి ఫిర్యాదులను పరిశీలన చేపట్టి పరిష్కరించాలని కలెక్టర్ ఆయా శాఖల అధికారులకు ఆదేశించారు.
వేసవిలో నీటి ఎద్దడి తలెత్తకుండా చూడాలి
రానున్న ఎండకాలంలో నీటి ఎద్దడి తలెత్తకుండా గ్రామాల్లో ముందస్తు ప్రణాళికలు రెడీ చేయాలని కలెక్టర్ ఆశిష్సంగ్వాన్ అధికారులకు ఆదేశించారు. సోమవారం కలెక్టరేట్‌‌‌‌లో అధికారులతో నిర్వహించిన రివ్యూ మీటింగ్లో కలెక్టర్ మాట్లాడుతూ.... గతేడాది తాగునీటి సమస్యను దృష్టిలో ఉంచుకొని ఈ సారి సమస్య రాకుండా అద్దె బోర్లను పరిశీలించాలన్నారు. గ్రామాల్లో శానిటేషన్ ప్రక్రియ నిరంతరం కొనసాగించాలన్నారు. రెసిడెన్సియల్ స్కూల్స్, హాస్టల్స్లో నీటి సమస్య రాకుండా చూడాలన్నారు.
ఇందిరమ్మ ఇండ్ల సర్వే స్పీడప్ చేయాలన్నారు. ఇంతకు ముందు ఎస్సీ, ఎస్టీ, మైనార్టీలు, దివ్యాంగులకు పంపిణీ చేసిన డబుల్ బెడ్ రూం ఇండ్ల వివరాలను వెంటనే సమర్పించాలని ఎంపీడీవోలకు ఆదేశించారు. మీటింగ్లో అడిషనల్ కలెక్టర్లు వి.విక్టర్, శ్రీనివాస్రెడ్డి, ఆర్డీవో రంగనాథ్రావు, ఆయా శాఖల జిల్లా అధికారులు పాల్గొన్నారు.
