నిజాంసాగర్ (ఎల్లారెడ్డి ), వెలుగు : ఆధునిక కాలంలో ఆర్టిఫిషియల్ ఇంటెలిజెన్స్ ప్రతి ఒక్క విద్యార్థికి అవగాహన అవసరమని కామారెడ్డి కలెక్టర్ ఆశిష్ సంగ్వాన్ అన్నారు. శనివారం అచ్చంపేట ప్రాథమిక పాఠశాలలో కృత్రిమ మేధ ఆధారిత ఎఫ్ఎల్ఎన్ ల్యాబ్ ను ఆయన ప్రారంభించి మాట్లాడారు. ఏ ఎక్స్ ఎల్ ల్యాబ్ గణిత సామర్థ్యాన్ని పెంచుతుందని, విద్యార్థులు వినియోగించుకోవాలన్నారు. పాఠశాల అభివృద్ధిలో గ్రామస్తుల సహకారం ఎంతో అవసరమన్నారు.
ఎంపీపీ ఆఫీస్లో మోడల్ ఇందిరమ్మ గృహాన్ని పర్యవేక్షించి నిజాంసాగర్ గ్రామపంచాయతీ నర్సరీ, పల్లె ప్రకృతి వనాన్ని పరిశీలించారు. బాన్సువాడ సబ్ కలెక్టర్ కిరణ్మయి, డీఈవో రాజు, జిల్లా క్వాలిటీ కో ఆర్డినేటర్ వేణుగోపాల్, మండల విద్యాశాఖ అధికారులు తిరుపతి రెడ్డి, అమర్ సింగ్, ప్రధానోపాధ్యాయులు రామచందర్, అమ్మ ఆదర్శ పాఠశాల ప్రతినిధులు పాల్గొన్నారు.
బోధన్లో ఏఐ కోర్సులను ప్రారంభించిన డీఈవో..
బోధన్ : బోధన్ పట్ణణంలోని మధుమలాంఛ ఉన్నత పాఠశాలలో ఏఐ కోర్సును డీఈవో అశోక్ ప్రారంభించి మాట్లాడారు. 10 కంప్యూటర్లు , హెడ్ ఫోన్స్, ఇంటర్నెంట్ సదుపాయంతో ఏఐ కోర్సులు ప్రారంభించినట్లు తెలిపారు. ఆయన వెంట మండల విద్యాధికారి నాగయ్య, కాంప్లెక్స్ ప్రధానోపాధ్యాయులు ఆరీఫ్, ప్రధానోపాధ్యాయులు నరేందర్, ఉపాధ్యాయులు సాయికిరణ్, ప్రీతి, శివతేజ, సాగర్ పాల్గొన్నారు.
ఆర్మూర్ మండలంలో..
ఆర్మూర్, వెలుగు : - ఆర్మూర్ మండలంలోని పెర్కిట్, కోమన్ పల్లి, మంథని, అంకాపూర్, సుర్భిర్యాల్, ఆలూర్ మండలంలోని మచ్చర్ల గ్రామాల్లోని ప్రైమరీ స్కూళ్లలో శనివారం (ఆర్టిఫిషియల్ ఇంటెలిజెన్స్) ఏఐ ఆధారిత బోధన విధానాన్ని ప్రారంభించారు. వెనుకబడిన (భాష, గణితం) స్టూడెంట్స్కు, భాషా నైపుణ్యాలు గణిత సామర్థ్యాల మీద పూర్తిస్థాయి అవగాహనకు ఉపయోగడుతుందని ఆర్మూర్, ఆలూర్ ఎంఈవో పింజ రాజగంగారాం, నరేందర్ తెలిపారు. కార్య క్రమంలో హెడ్మాస్టర్ శ్యామల దేవి, రాజ సులోచన, పండరి, అమ్మ ఆదర్శ పాఠశాల కమిటీ సభ్యులు, టీచర్స్ పాల్గొన్నారు.
