ఈ అమ్మాయి బుల్లెట్ బండిని​ రిపేర్​ చేస్తుంది

• మెకానిక్ పనిచేస్తూనే ఇంటర్‌లో 98 శాతం మార్కులు

ఉదయాన్నే డుగ్గు, డుగ్గుమంటూ బుల్లెట్​ బండి సౌండ్​ వింటూ నిద్రలేచేది. అలా తెలియకుండానే   తనకి ఆ బండి మీద ఇష్టం పెరిగిపోయింది. కొంచెం పెద్దయ్యాక బుల్లెట్​ బండి రిపేర్​ నేర్చుకుంది. కేరళలో యంగ్ బైక్​​ మెకానిక్​ తనే. ఇప్పుడు తనకి ఇష్టమైన బుల్లెట్​ బండి మీద రయ్​మంటూ దూసుకెళ్తోంది. ఆమె దివ్య జోసెఫ్​. ఈయంగ్​స్టర్​ బుల్లెట్​ జర్నీ ఇది...
కొట్టాయం రైల్వేస్టేషన్​ దగ్గర్లో దివ్య నాన్న  జోసెఫ్​ డోమ్నిక్​ నడిపే బైక్​ మెకానిక్​ షాప్​ అక్కడ చాలా ఫేమస్​. మొదట్లో ఇంటి వెనకాలే బుల్లెట్​ బండ్లు  రిపేరింగ్​ చేసేవాడు జోసెఫ్​. రానురాను బుల్లెట్​ బండ్లు నడిపేవాళ్లు ఎక్కువయ్యారు. రిపేర్​కి వచ్చే బండ్లు కూడా ఎక్కువవడంతో షాప్​ని ఇంటి ముందుకి మార్చాడు. అప్పుడు దివ్య టెన్త్​ క్లాస్​ చదువుతోంది. సమ్మర్ హాలిడేస్​లో ఫోన్​, టీవి చూస్తూ గడపడం ఇష్టంలేక సరదాగా బైక్​ రిపేర్​ నేర్చుకోవాలనుకుంది. కూతురి ఇష్టాన్ని కాదనలేక వాళ్ల నాన్న కూడా ‘ఓకే’ అన్నాడు. 
రోజుకి మూడు బైకులు 
తండ్రి బుల్లెట్​ బండ్లు రిపేర్​ చేస్తుంటే జాగ్రత్తగా గమనించేది దివ్య. మొదట్లో కస్టమర్లు నుంచి వచ్చే కంప్లైట్లు రాసేది. తర్వాత మెల్లగా ఎయిర్​ ఫిల్టర్​ క్లీనింగ్​, ఆయిల్​, కేబుల్​ మార్చడంతో పాటు సర్వీసింగ్ చేయడం కూడా నేర్చుకుంది. ఇప్పుడు ఈజీగా రోజుకు మూడు బుల్లెట్​ బండ్లు సర్వీసింగ్​ చేస్తుంది. అంతేకాదు డ్రైవింగ్​ కూడా నేర్చుకుంది దివ్య. ఈలోగా సమ్మర్​ హాలిడేస్​ అయిపోయాయి. కాలేజీలో చేరింది. కానీ, కాలేజీ నుంచి ఇంటికి రాగానే షెడ్డులోకి వెళ్లేది. కూతురి చదువు ఎక్కడ దెబ్బతింటుందోనని వాళ్ల అమ్మ టెన్షన్​ పడేది. కానీ ప్లస్​–టూలో దివ్య 98 శాతం మార్కులు తెచ్చుకుంది. ఇప్పుడు మెకానికల్​ ఇంజనీరింగ్ చదువుతోంది. 
అమ్మమ్మ ఇంటికి డ్రైవ్​ చేస్తూ...
ఈమధ్యే దివ్యకి బర్త్​ డే గిఫ్ట్​గా బుల్లెట్​ బండి కొనిచ్చాడు వాళ్ల నాన్న. ఇంకేముంది డ్రైవింగ్ లైసెన్స్​ కూడా తీసుకుని తన సిస్టర్​ మరియాని కొత్త బుల్లెట్ బండిపై ఎక్కించుకుని తిరుగుతోంది. 
వాళ్ల అమ్మమ్మ ఊరైన ‘ముందా కాయం’కు డ్రైవ్​ చేసుకుంటూ వెళ్లడానికి రెడీ అయింది ఇప్పుడు.