కొమురవెల్లి మల్లికార్జున స్వామి బ్రహ్మోత్సవాల్లో భాగంగా పట్నం వారం పురస్కరించుకొని సోమవారం పెద్దపట్నం వేసి అగ్ని గుండాల కార్యక్రమం నిర్వహించారు. ఈ సందర్భంగా కొమురవెల్లి క్షేత్రం మొత్తం బండారి మయమైంది. ఆలయంలోని తోటబావి దగ్గర భక్తులు ఒకరిపై ఒకరు పసుపు చల్లుకుంటూ, మల్లన్న నామస్మరణ చేస్తూ భక్తిపారవశ్యంలో మునిగిపోయారు.
అనంతరం అగ్ని గుండాలు దాటుతూ మల్లన్నా శరణు.. శరణు అంటూ వేడుకున్నారు. హైదరాబాద్జంట నగరాల నుంచి వేలది మంది యాదవులు తరలివచ్చారు. శివ సత్తుల నృత్యాలు పలువురిని ఆకట్టుకున్నాయి. ఎలాంటి అవాంఛనీయ సంఘటనలు జరగకుండా పోలీసులు బందోబస్తు నిర్వహించారు. ఆలయ అధికారులు, పాలక మండలి సభ్యులు భక్తులకు కావల్సిన సదుపాయాలను కల్పించారు. - వెలుగు, ఫొటోగ్రాఫర్
