న్యూఢిల్లీ: కోటక్ మహీంద్రా బ్యాంక్ గత డిసెంబరుతో ముగిసిన మూడో క్వార్టర్ ఫలితాలను ప్రకటించింది. సంస్థకు ఈసారి రూ.4,701 కోట్ల నికరలాభం వచ్చింది. అంతకుముందు ఏడాది డిసెంబరు క్వార్టర్లో వచ్చిన లాభం రూ.4,265 కోట్లతో పోలిస్తే ఇది 10 శాతం ఎక్కువ. స్టాండెలోన్ లెక్కన ఈ బ్యాంకు నికర లాభం రూ.3,005 కోట్ల నుంచి రూ.3,304 కోట్లకు పెరిగింది.
మొత్తం ఆదాయం రూ.14,096 కోట్ల నుంచి రూ.16,050 కోట్లకు ఎగిసింది. ఖర్చులు రూ.9,530 కోట్ల నుంచి రూ.10,863 కోట్లకు పెరిగాయి. గ్రాస్ఎన్పీఏలు 1.49 శాతం నుంచి 1.50 శాతానికి, ప్రొవిజన్లు రూ.579 కోట్ల నుంచి రూ.794 కోట్లకు చేరాయి.
