దేశవ్యాప్తంగా మధ్యాహ్నం ఒంటి గంట వరకు.. 40.32 % పోలింగ్

దేశవ్యాప్తంగా నాలుగో విడత పోలింగ్ ప్రశాంతంగా కొనసాగతుంది. పోలింగ్ స్టేషన్లకు ఓటర్లు భారీగా బారులు తీరారు. మధ్యాహ్నం ఒంటి గంట వరకు 40.32 శాతం ఓటింగ్ నమోదైంది. అత్యధికంగా పశ్చిమ బెంగాల్ : 51.87% పోలింగ్ నమోదు అయింది. ఇక తెలుగు రాష్ట్రాలైన ఆంధ్రప్రదేశ్ లో 40.26%, తెలంగాణలో 40.38% ఓటింగ్ శాతం నమోదైనట్లుగా ఈసీ వెల్లడించింది.

నాలుగో విడత పోలింగ్ 96 నియోజకవర్గాల్లో ఉదయం 7 గంటలకు ప్రారంభమైంది. విధి నిర్వహణలో నిర్లక్ష్యంగా వ్యవహరించినందుకు ఒడిశాలో ఇద్దరు పోలింగ్ అధికారులను ఎన్నికల సంఘం సస్పెండ్ చేసింది. హైదరాబాద్ బీజేపీ ఎంపీ అభ్యర్థి మాధవీలతపై కేసు నమోదైంది. ఓ పోలింగ్ బూత్‌లో ముస్లిం మహిళల ముఖంపై బురఖాలను ఆమె తొలగించిన తీరుపై అభ్యంతరం వ్యక్తమైంది. దీనిపై హైదరాబాద్ ఎన్నికల అధికారి రొనాల్డ్ కేసు నమోదుకు పోలీసులను ఆదేశించారు.